Imaaraadka Carabta ayaa si rasmi ah u bilaabay hindise cusub oo ku saabsan amniga internetka oo ku shaqeeya AI si loo xoojiyo madaxbannaanideeda dijitaalka ah ee qaranka. Iyada oo la soo bandhigay intii lagu jiray bandhigga shanaad ee Make it in the Emirates ee ka dhacay Abu Dhabi, Warshadda Internetka ee Imaaraadka Carabta waa iskaashi istiraatiiji ah oo tiknoolajiyad sare leh oo u dhexeeya Golaha Amniga Internetka ee Imaaraadka Carabta iyo CPX Holdings. Nidaamka deegaanka cusub wuxuu naqshadeyn doonaa, dhisi doonaa oo ballaarin doonaa barnaamijyada iyo nidaamyada amniga internetka ee horumarsan ee maxalliga ah Waa maxay hindisaha cusub ee Warshadda Internetka ee Imaaraadka Carabta? Hindisahan waa mashruuc difaac oo horumarsan oo loogu talagalay in lagu dhiso nidaam internet oo madax-bannaan oo mustaqbalka diyaar u ah. Iyada oo adeegsanaysa injineernimada maxalliga ah iyo hal-abuurka AI, waxay higsaneysaa inay sugto kaabayaasha dijitaalka ah ee muhiimka ah ee qaranka si ...
MADAXWEYNE FARMAAJO OO BOGAADIYEY DADAALLADA XUKUUMADDA EE AWOOD SIINTA GANACSATADA SOOMAALIYEED
Madaxweynaha oo warbixin ka dhageystay Wasiirrada Wasaaradaha, Kalluumaysiga iyo Khayraadka Badda Mudane Cabdullahi Bidhaan Warsame, Gaadiidka iyo Duulista Hawada Mudane Durraan Axmed Faarax ayaa tilmaamay muhiimadda ay leedahay in ganacsiga kala dhexeeya dalkeenna dalalka dariska uu ku saleysan yahay isu dheellitirnaan iyo waxwada qabsi , iyada oo ganacsatada Soomaaliyeed ay helayaan dheef-dhaqaale oo u dhiganta tan dhiggooda badeecadaha keensada dalka.
Maamulaha Shirkadda dhoofisay Kalluunka maanta loo iib geeyey Itoobiya ee qeybta ka ah is-dhaafsiga dhaqaale ee Labada dal Mudane Maxamed Ibraahim Cali (Cajiib) oo kulanka ka qeyb galay ayaa uga mahadceliyey Madaxda dalka mudnaanta ay siinayaan xal u helista caqabadaha ku xeeran ganacsatada Soomaaliyeed oo ay ugu horreyso suuq-geynta heer gobol iyo jaangooynta fursadaha.
Wasiirka Kalluumaysiga iyo Khayraadka Badda Mudane Cabdullahi Bidhaan Warsame iyo Wasiirka Wasaaradda Gaadiidka iyo Duulista Hawada Mudane Durraan Axmed Faarax ayaa sheegay in fursadaha iskaashiga ganacsi ee dalalka dariska ah ay barbar socdaan dib u dhiska kaabeyaasha dhaqaalaha, isu dheellitirka ganacsiga aan la wadaagno dalalka dariska ah iyo xoojinta wax-soosaarka, taas oo suurta gelinaysa in dalagyada iyo wax-soosaarka dalka ay ka muuqdaan suuqyada dalalka Gobolka.
Madaxweyne Maxamed Cabdullaahi Farmaajo ayaa bogaadiyey suuqa ganacsi ee u soo kordhay kalluumaysatada Soomaaliyeed, waxa uuna xaqiijiyey in la joogo waqtigii aynu kula tartami lahayn dalalka gobolka waxsoosaarka gudaha dalkeenna.
Posts
Comments
Post a Comment