Maanta Media

S hirka Ra’iisal wasaaraha Xukumadda Faderaalka Soomaaliya iyo madaxda maamul goboleedyada uga socdey magaaladda Muqdisho, ayaa la soo gabagabeeyay waxaana laga soo saaray jadwalka cusub ee doorashooyinka Soomaaliya. Madaxda ayaa isla meel dhigay in doorashada xubnaha aqalka sare ay dhacdo 25-ka July, 2021-ka.  Doorashada xildhibaanada Golaha Shacabka, ayaa loo asteeyey mudada u dhaxeyso 10-ka August illaa iyo 10-ka September, 2021-ka. Doorashada sida weyn loogga wada sugayo ee Madaxweynaha ayey hoggaamiyeyaashu ku heshiiyeen iney qabsoonto 10-ka October, 2021-ka.  Hoggaamiyeyaasha ayaa sidoo kale tixgelin siiyey dumarka, oo waxaa laga dhimey 50% khidmadda laga qaadayo haweenka u sharraxan baarlamaanka. Arrinta Gedo, ayaa iyana waxaa loo saarey guddi dibu heshiisiin, oo uu magacaabay ra’iisal wasaaraha xukuumadda federaalka Soomaaliya.  Halkaan ka Aqri Bayaanka ka soo baxay golaha wadatashiga qaran.

Waxaa isfaham ku soo dhammaaday maalinkii koowaad ee Shirka Golaha Wadatashiga Qaran oo uu guddoominayay Ra’iisul Wasaare Maxamed Xuseen Roble loogana hadlay dardargelinta doorashooyinka si waafaqsan heshiisyadii 17 Sept 2020 & 27 May 2021. Shirka ayaa sii socon doona. Shirka waxa loogu hadlayey mudadii bilka ahayd ay kala maqnaayeen waxyaabhihii qabsoomey iyo hormaradii la sameyey amaba haddi ay jireen caqabado gudboona shirka ama laga gun gaaro xillaga doorashada.  Guud ahaan waxa laga wada hadlaya arimo la xariira shirkan iyo shirki 27-kii Maajo, majirto wax qorsho laga leeyahay in haba yeraate labedelo qorshihi ama heshiiski 17-dii Sibtembar 2020.

Mudane Maxamed Xuseen Rooble, Ra’iisul Wasaaraha Xukuumadda Federaalka Soomaaliya oo uu wehliyo Madaxweynaha Galmudug mudane Axmed Cabdi Kaariye QoorQoor ayaa isbitaalka ku booqday askar iyo rayid ku soo dhaawacmay iska caabinta weerar argagixisada Alshabaab ku qaadeen deegaanka Wisil ee gobolla Mudug. Ra’iisul Wasaaraha oo isdul taagay dhaawacyada ayaa dhaqaatiirta ka dhageystay warbixinta la xiriirta dhaawacyada, isagoo u rajeeyay caafimaad deg deg ah, waxa uuna uga mahadceliyay sida geesinimada leh ee ay isaga caabiyeen cadowga Alshabaab ee deegaankooda soo weeraray.

Waxaa Maanta ka furmay Degmada Jowhar ee Gobolka Shabeelada Dhaxe madasha doodwadaaga Maamul daadajinta iyo dhismaha Dowladaha Hoose. Madashan ayaa waxaa si wadajir ah isaga kaashanaya Wasaaradaha Arrimaha Gudaha Federaalka iyo Dib u Heshisiinta iyo Wasaaradda arrimaha Gudaha Dowlad Goboleedka Hirshabele. Daahfurka madasha waxaa kasoo qeyb galay Maamulka gobolka Sh/dhexe iyo Degmada Jowhar waxaana si wadajir ah u furay Wasaaradaha Arr. gudaha Federaalka iyo Wasaaradda Arr. Gudaha ee Dowlad Goboleedka Hirshabelle.

Muqdisho, Juun 26, 2021; Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo ka qayb galay Munaasabadda Xuska 26-ka Juun  ayaa ugu hambalyeeyey dhammaan shacabka Soomaaliyeed Sannad Guurada 61-aad ee ka soo wareegtay Maalintii Xorriyadda Gobollada Waqooyi. Madaxweynaha oo khudbad ka jeediyey Munaasabadda 26-ka Juun oo ah maalin ku astaysan mirihii ka dhashay halgankii gobannimo doonka iyo maalintii koowaad oo calan Soomaaliyeed laga taago dhul Soomaaliyeed oo xor ah ayaa soo bandhigay taariikhda halgankii xornimadoonka Dalkeenna, isaga oo shacabka Soomaaliyeed ee Gobollada Waqooyi ku ammaanay doorkoodii gobannimo u dirirka iyo isu-doonta ummadda Soomaaliyeed. "Halgankii gumaysi diidka iyo Soomaali isu doonku waxa uu ahaa mid ay hormuud u ahaayeen Gobollada Waqooyi. Dhaqdhaqaaqyadii gobonnimo doonka ahaa ee ka curtay Gobolladaa waxa ay horseed u ahaayeen madaxbannaanida iyo midnimada Soomaaliya, waxaana xusid mudan halgankii gobannimo u dirirka a

Xasan Xuseen Xaaji, Wasiirka Gaashaandhigga XFS oo wada dar-dargalinta Qorshayaasha iyo Siyaasadaha Hagaya Waaxyaha kala Duwan Ee Wasaaradda Gaashaandhigga XFS iyo taliska CXDS  ayaa Maanta Saxiixay Siyaasadda Horumarinta Haweenka Ciidanka qalabka Sida Ee Soomaaliya iyo Wasaaradda Gaashaandhigga XFS , oo ay Soo diyaarisay  Waaxda Xuquuqul insaanka jinsiga iyo  ka Hortagga askareynta Caruurta oo kaashaneysa Khubarada iyo Masuuliyiinta Wasaaradda  Gaashaandhigga ,  Sidoo kale Waxa uu Saxiixay Habraaca dib- u-howlgalinta  Ciidanka Police militariya , oo muhiim u ah Dib-u-habeynta iyo Tayeynta Ciidanka Xoogga Dalka Soomaaliya . Munaasabadii uu Siyaasadan iyo habraacan  uu ku Saxiixayay wasiirka Gaashaandhigga XFS , waxaa ku sugnaa Gudoomiyaha Gudiga  Madaxac Banaan Ee la dagaalanka Musuqa  AVV. Maxamed Xuseen Xaamud , Agasimaha Guud Ee Wasaaradda Gaashaandhigga   Xasan Maxamed Siciid Samatar , Agaasime Waaxeedyada Wasaaradda Gaashaandhigga XFS iyo Saraakiil ka tirsan taliska Ciidanka Xogga

Ra’iisul Wasaaraha xukumadda Federaalka Soomaaliya Mudane Maxamed Xuseen Rooble ayaa ku casuumay madaxda Golaha Wadatashiga Qaranka shir Sabtida ka furmi doona magaalada Muqsisho. Kulankan ayaa la sheegay in la iska wareysanayo howlihii ka qabsoomay arrimaha doorashooyinka tan iyo heshiiskii 27-kii May iyo dardar gelinta shaqooyinka harsan.  Tan iyo markii heshiiska rasmiga ah lagu gaaray kulankii ka dhacay teendhada Afisiyooni ayaa waxaa lagu guuleystey in dib u habeyn lagu sameeyo guddiga farsamada ee doorashada. Heshiiska 27-kii May la gaaray ayaa dhigayey inay Soomaaliya doorashadu uga dhacdo muddo 60 maalmood gudahood ah,balse mudadaas ayaan u muuqan in ay tahay mid suurtogal ah oo dalka ay uga dhici karto doorasho

Raisul Wasaaraha xukumada Federaalka Soomaaliya wuxu dib u magacaabey guddiga kala ah guddiga doorashooyinka heer federal iyo guddiga xallinta khilafaadka doorashooyinka 2021. Waxa dib-u-eegis lagu sameyey kadib heshiiski 27-dii May, 2021 ay wada gaaren dowladda Federaalka iyo dowladda Xubnaha ka ah dowladda Federaalka.

 MADAXWEYNE FARMAAJO OO BOGAADIYEY DADAALLADA XUKUUMADDA EE AWOOD SIINTA GANACSATADA SOOMAALIYEED Muqdisho, Juun 20, 2021: Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa adkeeyey in awood-siinta ganacsatada Soomaaliyeed iyo xaqiijinta suuqyo heer gobol ah oo loo iib geeyo waxsoosaarka dalkeenna ay kor uqaadeyso dhaqaalaha dalka, fursadaha shaqaaleysiinta dhallinyarada iyo heer nololeedka shacabkeenna. Madaxweynaha oo warbixin ka dhageystay Wasiirrada Wasaaradaha, Kalluumaysiga iyo Khayraadka Badda Mudane Cabdullahi Bidhaan Warsame, Gaadiidka iyo Duulista Hawada Mudane Durraan Axmed Faarax ayaa tilmaamay muhiimadda ay leedahay in ganacsiga kala dhexeeya dalkeenna dalalka dariska uu ku saleysan yahay isu dheellitirnaan iyo waxwada qabsi , iyada oo ganacsatada Soomaaliyeed ay helayaan dheef-dhaqaale oo u dhiganta tan dhiggooda badeecadaha keensada dalka. Maamulaha Shirkadda dhoofisay Kalluunka maanta loo iib geeyey Itoobiya ee qeybta ka ah is-dha

Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble ayaa xafiiskiisa ku qaabilay  Safiirka Dowladda Ingiriiska ee Soomaaliya Kate Foster oo ay ka wada hadleen xiriirka labada dalk a iyo arrimaha doorashooyinka dalku galayo.

Shirkii Toddobaadlaha ahaa ee Wasaaradda Ganacsiga iyo Warshadaha XFS oo uu maanta shir-guddoominayey Wasiirka Wasaaradda Md. Khaliif Cabdi Cumar, ayaa Agaasimeyaasha iyo La-taliyeyaasha ba laga dhagaystay war-bixinno la xidhiidha hawlaha shaqo ee Wasaaradda gaar ahaan Habka Onlaynka ee Diiwaan-gelinta iyo Bixinta Laysamada Shirkadaha Ganacsiga iyo barnaamijka Xog-kaydiyaha Ganacsiga kuwaasi oo ahmiyad weyn u leh fududeynta iyo horumarinta Ganacsiga dalka.  Shirka oo sidoo kale uu ka soo qeyb-galay, Wasiiru-dawlaha Wasaaradda Md. Cabdulqaadir Shariif Sheekhunaa Maye, Agaasimaha Guud Md. Cabdicasiis Ibraahim Aadan, Agaasime Waaxeedyada iyo La-taliyeyaasha Wasaaradda, ayaa loogga hadlay wax-qabadkii Wasaaradda iyo weli ba qorsheyaasha shaqo ee ay hiigsanayso inay gaadho Lix biloodka dambe.

Wasiiru-dawlaha Wasaaradda Ganacsiga iyo Warshadaha Xukuumadda Federaalka Soomaaliya Shariif Sheekhunaa Maye, ayaa ka qeyb-galay shirkii ugu horreeyey ee dhex-maraya Agaasimaha Guud ee dhawaan loo doortay Ururka Ganacsiga Aduunka iyo Wasiirada Ganacsiga iyo Maal-gashiga ee wadamada Afrika kaas oo ujeedkiisu ahaa siddii la iskaga xog-waraysan lahaa horumarinta Ganacsiga Afrika. Wasiir Cabdulqaadir Shariif Sheekhunaa Maye oo hadal ka jeediyey, ayaa sheegay in Soomaaliya ay ka go’an tahay ku biiritaanka Ururka Ganacsiga Aduunka isla-mar-kaana ay ka Wasaarad ahaan sameeyeen dadaal iyaga oo wakhtigan ka soo gudbay qeybo ka mid ah shuruudaha loogga baahan yahay xubinimada Ururka Ganacsiga Aduunka oo qeyb laxaadle ka qaadan doona horumarinta Ganacsiga Soomaaliya sidoo kalane u horseedi doona suuqyo ganacsi oo caalami ah. “Waxaan bixinayay juhdi badan si aan qeyb uga noqo uruka ganacsiga Adduunka waana gudbinay qeyb ka mid ah waxyaabhihii nagala rabay, “Wasaaradda ganacsiga oo kaashaneyso Dowl

Wasiir dowlaha Arrimaha Dibadda iyo Iskaashiga Caalamiga, Balal Maxamed Cusmaan, ayaa ku qaabilay Caasimadda Muqdisho, Safiirka Norway ee Jamhuuriyadda Federaalka Soomaaliya, Marwo. Elin Bergithe Rognlie, waxaana uu kala hadlay xoojinta xiriirka labo geesoodka iyo iskaashiga labada dal. Safiiradda Norway ayaa ku dhawaaqday in ay bilowday qaban-qaabada dib loogu furayo xafiis diblomaasiyadeed oo joogta ah oo ay ku yeeshaan Muqdisho si loo fududeeyo howsha rasmiga ah iyo midda adeegga ah, iyadoo shaaca ka qaaday in Agaasinka Socdaalka Norway ay aqoonsatay baasaboorka Soomaaliya, waxayna muujisay taageerada dalkeeda ee ku aadan hannaanka doorashada Soomaaliya. Dhankiisa, Wasiiru dowlaha Arrimaha Dibadda iyo Iskaashiga Caalamiga ayaa cadeeyay sida ay Soomaaliya u danaynayso xoojinta xiriirka ay la leedahay Norway, halkaas oo ay ku nool yihiin jaaliyad aad u tiro badan oo Soomaaliyeed, taasoo leh aragti horumarineed iyo mid wax dhisid leh, isagoo xusay muhiimadda ay leedahay in la ballaariy

  Maxamed Xuseen Rooble, Ra’iisul Wasaaraha Xukumada Federaalka Soomaaliya ayaa qaabilay Safiirka Dowladda Qatar ee Soomaaliya. Danjire, Xasan Xamza oo ay ka wada hadleen xiriirka labada dal, habsami u socodka mashaariicda horumarineed ee Qatar ka hirgelineyso Soomaaliya iyo Arrimaha doorashooyinka dalka. Qatar ayaa waxa ay kamid tahay dowladaha taageerada siiya Soomaaliya iyadoo mashaariic kala duwan ay Soomaaliya ka fuliso. Ra’iisul wasaaraha Xukumada Federaalka Soomaaliya ayaa tan iyo markii heshiis rasmi ah laga gaaray arrimaha doorashooyinka waday kulamo kala duwan oo uu la qaadanaayey madaxda caalamka u jooga Soomaaliya iyo saamileyda siyaasadeed ee dalka isaga oo sheegay kal hore in xukuumadiisu xooga saari doonto sidii ay dalka uga dhici lahayd doorasho hufan oo lagu kalsoonaan karo.

  Abuukar Daahir Cusmaan (Abuukar Baalle) safiirka Soomaaliya u fadhiya Qaramada Midoobay  ayaa Golaha Ammaanka u direy caddeymo muujinaya duqeymo Diyaaradaha Dagaalka Kenya ay ka geysteen Gudaha Soomaaliya. Danjiraha ayaa Golaha Ammaanka ka hor akhriyay cadeymaha ay heyso dowladda Soomaaliya ee la xiriira waxyeellada ay ka geysteen Ciidamada Cirka ee Kenya Gobalka Gedo. Taasi oo dhimasho iyo dhaawac ka soo gaartay muwaadiniin Soomaaliyeed oo ay ku jiraan Caruur iyo Haween. Dowladda Soomaaliya ayaa marar badan ka hadashay qasaaraha soo noqnoqday ee diyaaradaha dagaalka Kenya ka geystaan gudaha Soomaaliya, waxyeellana gaarsiisa dad shacab ah, laakiin waa markii koowaad ee ay xukuumaddu caddaymo geyso Golaha Ammaanka ee Qaramada Midoobay. Xiriirka labada dowladood ee Soomaaliya iyo Kenya oo muddo kala go’onaa ayaa maalmihii la soo dhaafay ahaa mid soo hagaagayaa, waxaana la ogeyn saameynta uu yeelan doono qoraalka ka dhanka ah Kenya oo ay dowladda Soomaaliya u gudbusay Golaha Ammaank

Ra’iisul Wasaare Xukuumadda Federaalka Soomaaliya Maxamed Xuseen Rooble ayaa kulan la yeeshey Safiirka Dowladda Mareykanka u fadhiya Soomaaliya Donald Yamamoto oo ay  ka wada hadleen xiriirka labada dal, arrimaha doorashooyinka dalka, la dagaallanka argagixisada Alshabaab iyo arimaha bani’aadminimada. Kulanka ayaa waxa dib uga soo biiray Madaxweynayaasha Galmudug iyo Hirshabelle

  Cabdicasiis Xassan Maxamed Laftagareen, Madaxweynaha Dowlad Goboleedka Koonfur Galbeed Soomaliya ayaa Magaalada Muqdisho kulan kula qaatay Saaxibada Beesha Caalamka ee Soomaaliya oo uu horkacaayo Wakiilka Xoghayaha guud ee Qaramada Midoobey James Swan. Kulanka ayaa waxaa looga hadlay Arimaha Doorashooyinka iyo Mashaariicda Hormarineed ee ka socda Deegaanada Koonfur Galbeed. Madaxweynaha Koonfur Galbeed Cabdicasiis Xasan Maxamed Laftagareen ayaa uga mahad celiyay Wakiilada Beesha Caalamka kaalintooda ku aadan dowladnimada Soomaaliya iyo taageerada ay siiyaan. Wakiilka Xoghayaha guud ee Qaramada Midoobey James Swan ayaa ka hor kulankan waxaa uu kulan looga hadlayay doorashada Soomaaliya uu la qaatay Ra’iisul Wasaaraha Xukuumadda xilgaarsiinta Maxamed Xuseen Rooble.

Mudane Maxamed Xuseen Rooble, Ra’iisul Wasaaraha xukumadda Federaalka Soomaaliya ayaa  bulshada degmada Deyniile  ku boorriyay tallaabooyinka lagu adkeynayo amniga caasimadda iyo doorka ay ku leeyihiin horumarka iyo bilicda Gobolka Banaadir maadaama ay degmada Deyneele leedahay goobo dalxiis oo soo jiidasho leh.

Maxamed Xuseen Rooble,  Ra’iisul Wasaaraha Xukumada Federaalka Soomaaliya ayaa guddoomiyay shirka toddobaadlaha ah ee Golaha Wasiirrada oo looga hadlay Xaaladda amniga dalka iyadoo lagu dhageystay warbixinno ku saabsan Amniga dalka, Caabuqa Covid-19, Gurmadka Abaaraha & Fatahaadaha.

Ra’iisul Wasaare Xukuumadda Federaalka Soomaaliya Maxamed Xuseen Rooble oo ballan qaaday hoggaaminta geeddi socod  doorasho oo deg deg ah laguna kalsoonaan karo. Raisul Wasaaraha ayaa magacaabay koox farsamo oo qaabilsan hagidda iyo isu duwidda qorshaha Ra’iisul Wasaaraha ee doorasho xilligeeda ku dhacda, xor iyo xalaal ah, kuna saleysan heshiiskii 27-kii May. Kooxdan ayaa xiriirin doonta Golaha Wadatashiga Qaran, Beesha Caalamka iyagoo sidoo kale taageero farsamo siin doona guddiyada madaxa bannaan ee doorashooyinka.

Mudane  Cabdixakiin Xasan Ashkir, Wasiiru-dowlaha Xafiiska Ra'iisul Wasaarah ayaa la kulmay wefdi ka socday Wasaaradda Arrimaha Dibadda Boqortooyada Sacuudi Carabiya, waxey kawada hadleen xoojinta xiriirka iyo Iskaashiga labada dal iyo dib ugu furista safaaradda Sacuudiga ee Soomaaliya. 

  Ururrada u dhaqdhaqaaqa arrimaha haweenka ee Jamhuuriyadda Somaliland, oo walaac ka muujiyey in haween badan aysan ku soo bixin Doorashooyinkii goleyaasha deegaanka iyo kan wakiillada ee dhawaan la soo gabagabeeyey. Seddax hablood oo keli ah ayaa ku soo baxay Goleyaasha deegaanka ayaa ku soo baxay seddax hablood oo keli ah, halka baarlamaanka aysan u soo bixinba xal qof dumar ah. Waxaa ku jirtay hal gabadh Baarlamaanka hadda wakhtigiisu dhamaaday ee Somaliland , balse midda cusub, xitaa middii lagama heli doono. Aqalka Wakiilada Somaliland, ayaa ka qeybgalay 13 musharax oo haween ah balse hal ka mid ah xitaa ma aysan soo bixin, halka golaha deegaanka ay soo baxeen 3 oo keliya. Drs Adna Aadan oo ka tirsan haweenka ugu caansan Somaliland . Aya tiri "Haddii xisbi kaliya soo saari lahaa mid iyo labo, xisbigaas waxa ay u noqon lahayd marqaati dimoqoraadiyadda, ayaan darro waa ay garan waayeen" Urur ay ku mideysanyihiin metelayaasha haweenka iyo daladda haweenka ayaa kulan ay

  Degmadda berdaale waxaa si nabad ah looga xusey Sanad guuraddii 22-aad Urarkii gobanimo doonka ahaa ee RRA waxa loogu doceyay intii ku shahiidey dagaaladaas. Raxanweyn iyo dhamaan degaanada Koonfur Galbeed waxey u tahay xaasus weyn maalinta 6-da Juun sanad kasta. Waxey ahayd 6-da Juun, 1999 marki ay si xuriyad ah RRA ula wareegtey dhamaan degaanadeeda waliba magaalada Baydhabo Janaay. Waxan idin soo gudbin doona taarithda RRA insha'allah.. halkan igala soco..

  Middowga Musharaxiinta Soomaaliya oo kukala aragti duwanadey dib u habeynta guddiyada doorashooyinka. Dib u habeynta guddiyada doorashooyinka Soomaaliya oo ay ku aragta bedelanaaden midowga musharaxiinta Soomaaliya. Musharaxiinta sida Cabdiraxmaan Cabdishakur iyo Cabdikariin Guuled ayaa muujiyey kala aragti duwanaanshahooda, Cabdikariin wuu soo dhoweyey gudiga dib u habeynta, halka Cabdiraxmaan kusifey in ay sharci darro yihiin. Cabdiraxmaan Cabdishakur ayaa bartiisa Facebook kuso  daawacey hadalkan "Turxaan bixinta tabashada Guddiga doorashooyinka waa in ay martaa habraac hufan, daahfuran, dhexdhexaad ah si loo gaaro natiijo doorasho oo lagu wada qanacsan yahay. Hadafkeenu afartii sanno ee tagtay wuxuu ahaa in aan dalka majarihiisa iyo hannaankiisa dimuqoraadiyad la weecin. Wixii aan Farmaajo ka diidnay, Rooble ka yeeli mayno". Cabdiraxmaan Cabdishakuur Warsame  oo Shir jaraa'id uu goor dhow ku qabtay magaalada Muqdisho ayuu ku sheegay in hab aan caddaalad ahayn lo

Natiijada Doorashadi ka dhacday Somaliland 31-kii May. Sida Muxaafadka iyo Mucaaradku u kala heleen Kuraasta Wakiilada iyo Deegaanka.. halkan ka eeg.

Guddiga Xaqiijinta Xubnaha Guddiyada Doorashooyinka ee uu magacaabay Ra’iisul Wasaare Maxamed Xuseen Rooble, ayaa ku dhawaaqay in 34 xubnood laga saaray liiska guddiyada doorashooyinka heerarkooda kala duwan .

Amaanka Xarunta Komishanka ee Gobolka Maroodi-jeex ayaa aad Loo Adkeeyey, Waxaana la sugayaa In  Saacadaha Soo Socda Lagu Dhawaaqo natiijada golaha Degaanka Ee Caasimada Hargaysa Halkan ayaan idin soo dhigi doona natiijada.. fadlan illasoco.

Dowladda Soomaaliya ayaa si adag u cambaareysay duqeymihii diyaaradaha Kenya shalay ka geysteen deegaano ka tirsan gobolka Gedo, taas oo dad shacab ah oo haween iyo caruur ku jirto dhimasho iyo  dhaawac ka soo gaaray.

  Dagaal ulus ayaa kadhacey gobolka shabeelada dhaxe ee barriga magaalada Jowhar kaas oo u dhaxeeya Ciidanka dalka xooga iyo Alshabaab wararka waxey sheegeen in Ciidanka Xoogga Dalka oo hawlgal ugu dhaqaaqay deegaanka Warta Jilible oona iska caabin xoog leh ugala horyimid maleeshiyada Al Shabaab, oo doonayay inay difaacdaan gacan ku haynta deegaankaasi. Intii uu dagaalku socday maleeshiyaad kale oo Shabaabka ka tirsan ayaa weeraray deegaanka War Ciise, oo bilowgii toddobaadkan ay la wareegeen Ciidanka Xoogga Dalka. Dagaalka ayaa gaystay khasaaro dhimasho iyo dhaawacba isugu jira oo labada dhinac ah, sida ay xaqiijiyeen Saraakiisha Militariga. Tiro ka mid ah Ciidanka Xoogga Dalka oo uu ku jiro   Taliyahii Ururka 6aad ee Kumaandooska Gorgor, Gaashaanle Maxamed Cabdiwahaab Faarax ayaa lagu dilay dagaalka. Korneyl Cali Xaashi, Afhayeenka Ciidanka Xoogga Dalka ayaa sheegay inay dagaalka ku dileen 70 ka mid ah mintidiinta Al Shabaab. Afhayeenka oo la hadlay Idaacadda Codka Ciidamada ayaa x

Raisul Wasaaraha Xukuumada oo garey Dowlad-goboleedka Xirshabeele ee Jowhar oo ay fatahaada webiga go'doomisey. Ra’isul wasaaraha xukuumadda Soomaliya Maxamed Xussen Rooble ayaa maanta booqasho ku tagay magaalada Jowhar gaar ahaan meesha saameyn xoogan kuyeelatey fatahaada wabigga shabeele magaalada Jowhar iyo deegaanada hoos yimaada waxaana ay goysay wadooyinka muhiimka u ah gobolka Shabeelada Dhexe.. Rooble oo ay la socdaan wafdi wasiirro iyo xildhibaanno gobolka ah ayaa waxaa uu qaatay diyaaradaha qumaatiga u kaca, isaga oo marka hore la kulmay madaxweynaha Hirshabelle Guudlaawe. Kormeelka ra’isul wasaare Maxamed Xussen Rooble ee Jowhar ayaa imaanaya iyada oo dad badan ay ka barakaceen goobaha fatahaada kadhacdey isla markaana dhibaato ay kasoo gaartay.