Maanta Media

  Sida Radio Moqdisho uu sheegey, baska waxa lasocdey ciyaartoyda kooxda lagu magacaabu JCC 1 Rugta Ganacsiga Jubbaland ee Kismayo kadhisan. wararka qaar waxay sheegayaan in baska uu gubtay ayna jiraan dhaawacyo iyo dhimasho, inkasta oo weli aan la xaqiijin inta ay la egyihiin.  Sida ay qortay wakaaladda wararka ee Dowladda Soomaaliya, SONNA, waxaa qaraxa ku dhintey afar qof oo ka mid ahaa ciyaartoyda. Sida uu qoray bogga Radio Muqdisho, gaariga siday ciyaartoyda wuxuu ku sii jeeday garoonka kubadda cagta, "halkaas oo Madaxweyne ku-xigeenka Jubbaland uu ka daah furi lahaa galabta tartan u dhexeeya kooxaha magaalada oo ku saabsanaa isdhexgalka bulshada."   Madaxweynaha Dowladda Soomaaliya, Maxamed Cabdullaahi Farmaajo ayaa ka tacsiyeeyay geerida dhallinyarada ku dhimatay qarixii maanta ka dhacay Kismaayo.  Qoraal lagu daabacay bogga Villa Somalia ayaa lagu sheeyagy: "Madaxweynaha Jamhuuriyadda ayaa tilmaamay in falkaas arxandarrada ah uu ka marag kacayo sida ay arg...

       Gu ddiga hirgelinta doorashooyinka dowlad Goboleedka Koonfur Galbeed Soomaaliya ayaa Maanta oo Arbaco ah lagu wareejiyay qalab loo adeegsanayo qabashada doorashada Xildhibaanada Aqalka Sare.    Xafiiska UNSOM ee Magaalada Baydhabo ayaa qalabka ku wareejiyay Guddiga doorashooyinka Koonfur Galbeed, waxana qalabka ku jira sanaadiiqda Codbixinta Doorashada Aqalka Sare ee Baarlamaanka Federaalka.    Guddiga ayaa Xafiiska UNSOM uga mahadceliyay qalabka ay ku wareejiyeen, isla markaana sheegay in sanaadiiqda Codbixinta loo adeegsan doono Doorashada Xildhibaanada Aqalka Sare oo maalmaha soo socda la filayo in lagu qabto halkaas.    Guddoonka Baarlamaanka Koonfur Galbeed ayaa maalmo kahor magacaabay xubnaha Guddiga ee qabashada doorashada Aqalka Sare, kuwaasi oo ka kooban 11-xubnood oo dhammaantood ah Xildhibaano ka tirsan Maamulkaas.    Dib u dhac ayaa ku yimid qabashada doorashada Aqalka Sare oo lagu waday inay dhacdo 25-ka bis...

     Ra’iisul wasaaraha Xukuumadda Federaalka Soomaaliya Maxamed Xuseen Rooble ayaa madaxweynaha dowlad goboleedka Jubbaland ku bogaadiyay soo gudbinta Liiska musharixiinta xildhibaanada aqalka sare ee Baarlamaanka dalka. Mr Rooble ayaa yiri “Waxaan madaxweynaha Jubbaland Axmed Madoobe iyo Guddiga Doorashada Jubbaland ku bogaadinayaa soo gudbinta Liiska musharaxiinta Aqalka Sare ee BFS iyo shaacinta jadwalka doorashada”  “Doorashadu way bilaabatay, Dowlad-goboleedyada kalena waxaan ku boorrinayaa in ay dedejiyaan qabashada doorashada” ayuu hadalkiisa sii raaciyay ra’iisul wasaaruhu. Madaxweynaha Jubbaland ayaa maanta soo gudbiyay liiska Musharaxiinta ilaa 4 kursi kuwaas qeyb ka ah Kuraasta Aqalka Sare ee Baarlamaanka Federaalka.

       Ku-xigeenka Ergayga Qaramada Midoobey u qaabilsan Arrimaha Soomaaliya Anita Kiki Gbeho iyo wafdi ay hoggaaminayso ayaa Maanta gaaray Magaalada Garoowe ee Caasimadda Maamulka Puntland. Madaxweynaha dowlad Goboleedka Puntland Siciid Cabdullaahi Deni, ayaa Qasriga Madaxtooyada Puntland ku qaabilay Ku-xigeenka Ergayga Qaramada Midoobey ee Soomaaliya Anita Kiki Gbeho iyo wafdiga la socday.      Kulanka ayaa inta uu socday waxaa looga hadlay xaaladiihii ugu dambeeyay ee Soomaaliya gaar ahaan Arrimaha doorashooyinka Xildhibaanada Aqalka Sare oo maalmaha soo socda si rasmi ah uga bilaaban doonta dalka. Sidoo kale Madaxweyne Saciid Cabdullaahi Deni iyo Anita Kiki Gbeho ayaa ka wada arrinsaday taageerada      Qaramada Midoobay ee ku aadan Mashaariicda horumarineed ee laga fulinayo deegaanada Puntland.Kulanka ayaa waxaa ka qeyb galay Madaxweyne Ku-xigeenka Axmed Cilmi Cismaan Karaash, Xubno ka mid ah Golaha Wasiirada iyo Xafiiska Qaramada Mi...

  Madaxweynaha Puntland Siciid Cabdullaahi Deni, ayaa magacaabay guddiga qaban-qaabada iyo diyaarinta xaflada xuska maalinta 1-da August oo ku beegan markii landhisay Maamulka Puntland. Xubnaha Guddigaan ayaa ka kooban 7 Xubnood, kuwaas oo badankood ah Wasiirada Madaxweynaha Puntland. Waxaana ay kalanyihiin Magacyadooda: 1. Xasan Shire Cabdi Wasiirka Wasaaradda Maaliyadda (Guddoomiye) 2. Cabdisamed Maxamed Gallan Wasiirka Wasaaradda Amniga iyo DDR-ta (Xubin) 3. Aamino Cismaan Jaamac Wasiirka Wasaaradda Haweenka (Xubin) 4. Jaamac Faarax Muuse Wasiirka Wasaaradda Shaqada iyo Shaqaalaha (Xubin) 5. Cabdisalaan Siciid Faarax Wasiir Ku-xigeenka Wasaaradda Warfaafinta (Xubin) 6. Cabdi Xasan Xuseen Taliyaha Ciidanka Booliska (Xubin) 7. Maxamed Cabdirashiid Cali Agaasimaha Guud Madaxtooyada (Xubin) Dowladda Goboleydka Puntland ee Soomaaliyeed oo la asaasay 1-da August Sanadkii 1998-dii bishii ayaa sameesay, waxaana hadda laga joogaa 23 sano.

Koox uu hogaaminayo Maxamed Xasan Maxamed (Cirro) oo ah gudoomiyaha guddiga doorashooyinka heer federaal ayaa maanta soo gaaray magaalada Kismaayo. Xubno ka tirsan guddiga doorashada Jubbaland oo uu horkacayay Gudoomiye Siyaad Mursal Maxamed ayaa kooxda kaga hortagay garoonka diyaaradaha ee Sayid Maxamed Cabdulle Xasan.   Cirro iyo kooxdiisa ayaa Kismaayo uga degay sidii ay gacan uga geysan lahaayeen dardargelinta doorashada xubnaha aqalka sare ee baarlamaanka Soomaaliya. 25-ka iyo 28-ka bishaan waxaa dhici doona doorashooyinka Aqalka Sare.

  Ra’iisul Wasaaraha Xukuumadda Federaalka Soomaaliya oo ka jawaabaya tallaabadii muwaadiniin Soomaaliyeed looga horjoogsaday in ay ka dhoofaan garoonka Aadan Cadde, ayaa xilka ka qaaday Agaasimihii Shaqaalaha hay’adda NISA Cabdullaahi Kullane iyo Taliyihii Nabad Sugidda ee garoonka Aadan Cadde Cabdiwahaab Sheekh Cali. “Ra’iisul Wasaaraha Xukuumadda Federaalka Soomaaliya Maxamed Xuseen Rooble markuu arkay qodobka 21aad ee dastuurka KMG ah ee Jamhuuriyadda Federaalka Soomaaliya, faqradiisa 1aad ee dhigaya qofkasta oo si sharci ah u degan Jamhuuriyadda waxa uu xaq u leeyahay in uu si xor ah u degi karo, ugu dhex socon karo meelkasta oo dalka ka mid ah kana bixi karo”. Ayuu yiri Afhayeenka Xakuumadda Soomaaliya Maxamed Ibraahim Macallimuu oo Warbaahinta u akhriyay bayaan ka soo baxay xafiiska Ra’iisul Wasaaraha. Afhayeenka Xukuumadda ayaa hadlakiisa ku daray “Iyadoo la tix raacayo amarkii uu soo saaray Ra’iisul Wasaare Maxamed Xuseen Rooble 21 July 2021, ee sida cad u qeexaya in qof m...

Guddiga dib u heshiisiinta gobolka Gedo ayaa Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble  u soo gudbiyay Warbixinta howlihii u qabsoomay iyo talo soo jeedintooda la xiriirta xal u helista arrinta Gedo. Afhayeenka Xukuumadda federaalka Soomaaliya Maxamed Ibraahim Macalimuu ayaa sheegay in Ra’iisul Wasaare Rooble uu guddiga uga mahadceliyay dadaalka ay ku bixiyeen waajibaadkii loo igmaday. “Ra’isul Wasaare Maxamed Xuseen Rooble ayaa ka hadlay arimaha doorashooyinka dalka,  isaga oo jeediyay khudbad taabaneysa dhinacyo kala duwan kadib munaasabad uu kaga guddoomay  Guddiga Dib u heshiisiinta Gobolka Gedo, talo soo jeedino ay u ku talinayaan si ay doorasho uga qabsoonto Garbahaareey” ayuu yiri Afhayeenka Xukuumadda  Macalimuu. Guddiga dib u heshiisiinta gobolka Gedo ayaa socdaal shaqo ku tegay magaalada Garbahaareey ee xarunta Gobolka Gedo, halkaasi oo ay kulamo kula qaateen qeybaha bulshada, waxaana ay socdaalkooda ku soo gabo gabeey...

Ciidanka xoogga dalka, Daraawiishta iyo nabad sugidda Galmudug oo wada jira ayaa Argagixisada Al-shabaab kala wareegay maanta deegaanka Qodqod oo hoos taga degmada Xarar-dheere ee gobolka Mudug.  Taliyaha ciidanka dhulka xoogga dalka General Maxamed Tahliil Biixi oo howlgalka hogaaminaya ayaa ciidanka ku ammaanay guusha ay ka gaareen baacsiga cadawga, Dhanka kale taliyuhu waxaa uu ciidanka ugu hambalyeeyay munaasabadda ciidda Carafo.

R a’iisul Wasaaraha xukumadda Federaalka Soomaaliya Maxamed Xuseen Rooble ayaa maanta xafiiskiisa kulammo goonni goonni ah la yeeshay xubno ka tirsan beesha caalamka. Ra’iisul wasaare Rooble ayaa maanta qaabilay Danjiraha Midowga Yurub ee Soomaaliya Nicolas Berlanga iyo Ergayga gaarka ah ee Norway Heidi Elburgi.Xubnahaan iyo ra’iisul wasaaraha ayaa ka wadahadlay arrimaha doorashooyinka dalka ee uu hormuudka ka yahay Ra’iisul Wasaare Rooble. Soomaaliya ayaa haatan gashay jawi doorasho, waxaana maalmaha soo socda la guda geli doonaa doorashada xildhibaanada labada Aqal ee baarlamaanka federaalka Soomaaliya, sida ku cad jadwalka doorashooyinka ee dhawaan ka soo baxay guddiga doorashada heer federaal ee FIET

Gu ddoomiyaha Guddiga Hirgelinta Doorashooyinka Heer Federaal (GHDHF) Maxamed Xasan Cirro ayaa xalay kulan diiradda lagu saarayay sugidda iyo xaqiijinta amniga doorashooyinka la qaatay Guddiga Amniga Doorashooyinka heer Qaran,kaas oo uu guddoomiye u yahay taliyaha ciidamada booliska Soomaaliyeed, General Cabdi Xasan (Xijaar). Kulankan oo Muhiimadiisu ahayd sidoo dalka uga dhici lahayd doorashooyin xor & xalaal ah oo nabdoon ayaa waxaa goobjoog ka ahaa Guddi hoosaadka amniga ee GHDHF oo wada diyaar garow xooggan oo la xiriira sugidda amniga doorashooyinka dalka. Guddoomiyaha Guddoomiyaha Guddiga Hirgelinta Doorashooyinka Heer Federaal (GHDHF) Maxamed Xasan Cirro ayaa maalmihii la soo dhaafay waxa uu kulano la yeelanayay qeybaha kala duwan ee ay quseyso doorashada dalka. Kulankan ugu dambeeyay ayaa imanaya xilli dhawaan la shaaciyay jadwalka doorashada oo ay ku cadahay markale in dhamaadka bishan ay dhici doonto doorashada senatarada Aqalka Sare.

Guddiga hirgalinta doorashooyinka heer Federaal ee Soomaaliya ayaa soo saaray jadwalka doorashooyinka ee Baarlamaanka Labada Aqal. Si waafaqsan mas’uuliyadda Guddiga Hirgelinta Doorashooyinka Heer Federal (GDHF) ka saaran hirgelinta doorashooyin degdeg ah, waqtigooda ku dhaca, xor iyo xalaal ah iyo baahida loo qabo in la bilaabo geeddi-socodka doorashooyinka, iyada oo laga hor tegayo dib u dhac dambe.  Guddiga Hirgelinta Doorashooyinka Heer Federaal wuxuu shaacinayaa jadwalka ugu dambeeya ee doorashooyinka, iyadoo la raacayo shaxda doorashada 29 Juun, habraacyaddii 17 Sebtember iyo 27 Maajo lagu heshiiyay oo ay si wada jir ah u wada saxiixeen dhammaan madaxda maamullada Dowladda Federaalka Soomaaliya. halkan ka daallaco.

Howlgal ayaa ka dhacay dhammaan xaafadaha Hodan, iyadoo maamulka ay dadka ku joojiyeen waddooyinka, qaarna ay qabqabteen, ayna ka wadeen howlgallo guri-guri ah. Ujeedka howlgalka ayaa ah sida uu sheegay Taliyaha Booliska degmada Hodan Bashiir Cabdi Siyaad wuxuu ahaa in laga hortago cid walbo oo qatar ku ah amniga sida Al-Shabaab iyo burcad. Wuxuu sidoo kale cadeeyay in howlgalada looga golleeyahay in lagu xoojiyo amaanka caasimada tan iyo inta howsha doorashada ay ka dhamaneyso, isla markaana la qaadi doono talaabooyinka.

Madaxweynaha Koonfur Galbeed, Cabdicasiis Xasan Maxamed (Lafta-gareen) ayaa galabta Magaalada Baydhabo kula kulmay Rugta Ganacsatada Koonfur Galbeed iyo Guddiga Gaadiidleyda Soomaaliyeed.  Kulanka oo ka dhacay Aqalka Madaxtooyada ee Magaalada Baydhabo ayaa Maamulka Koonfur Galbeed looga dalbaday inuu wax ka qabto dhibaatada ay gaadiidleyda ku qabaan adeegsiga wadooyinka. Xubnaha Rugta Ganacsatada iyo Guddiga Gaadiidleyda ayaa walaac ka muujiyay lacagaha aan sharciga ahayn ee gaadiidka ganacsiga looga qaado wadooyinka. Cabdikariin Cabdulle Bariise (Gambo) oo ka mid ah xubnihii la kulmay Madaxweynaha ayaa geba-gabadii kulankaasi ka warbixiyay waxyaabihii looga hadlay kulanka. “Anagoo uga soo safarnay Magaalada Muqdisho, rabna-na gaadiidka dhibaatada haysata illaa Gedo inaan u aadno wuxuu Madaxweynaha noo ballanqaaday dhibaatada gaadiidka wadadaasi marta ee lacagta looga qaado wax kastoo uga baahanahay inuu wax ka qabanayo, soona dhaweynayo gaadiidka Soomaaliyeed ee wadadaas mara inaa...

G uddiga doorashada ee dowlad Goboleedka Hirshabelle ayaa goordhow doortay Guddoomiye iyo Kuxigeen, waxaana Guddoomiyaha loo doortay Axmed Xasan Diini oo wareegtadii sanadkii hore ka soo baxday Madaxweynihii hore ee Hirshabelle Maxamed Cabdi Waare Guddoomiye loogu magacaabay Guddoomiyaha Guddiga doorashada. Doorasho saaka ka dhacday Hotel ku yaalla gudaha Air Porka ayaa Axmed Xasan Diini waxaa uu ku helay 10 cod, sidoo kale waxaa Kuxigeen loo doortay Xaliima Maxamed Cismaan oo heshay 11 cod, iyadoo aanay jirin cid la tartantay. Doorashada Guddoonkan ayaa hakad u galay arrimo Farsamo iyo sidoo kale in lala sugayay Madaxweynaha Hirshabelle Cali Guudlaawe oo safar ugu maqnaa dalka Turkiga intii Guddiyada is dooranayeen.Inta badan hoggaankii Guddiyada doorashada heer dowlad goboleed iyo heer Federaal ayaa dib loo doortay, inkastoo is bedel iyo kala shaandheyn lagu sameeyay xubnihii guddiga ee lagu muransanaa, haddana ma jiro wax is bedelay oo ku aadan hoggaanka guddiyadaas oo sidoodii u so...

Guddiga doorashada heer dowlad goboleed ee Koofur Galbeed Soomaaliya ayaa soo gaaray Magaalada Baydhabo ee gobolka Baay.Xubnaha guddiga oo ka kooban 11 xubnood ayaa loo qeybin doonaa magaalooyinka Baraawe iyo Baydhabo oo ay ka dhacayaan doorashooyinka Xildhibaanada Golaha Shacabka qeybta ka imaaneyso KGS. Guddiga ayaa maalmaha soo aadan kulamo ka bilaabi doono magaalada Baydhabo ee gobolka Baay. Sidoo kale guddiyada kale ee doorashooyinka heer dowlad goboleed ayaa la filayaa in ay tagaan deegaanada maamul goboleedyada.

Taliyaha Ciidanka Booliska Soomaaliyeed, General Cabdi Xasan Maxamed (Xijaar) ayaa Magaalada Kismaayo kula kulmay Saraakiisha Booliska Jubbaland, ka dib kormeer uu ku tagay Saldhigga Dhexe ee magaaladaasi. Taliyaha ayaa Saraakiisha Booliska Jubbaland kala hadlay xaqiijinta nabadgelyada shacabka iyo masuuliyiinta ka qaybgelaya doorashada Labada Aqal ee Baarlamaanka ee lagu wado in dhawaan ay ka dhacdo Magaalada Kismaayo. Taliyaha Qaybta Booliska Gobolka Jubbada Hoose, Sadiiq Maxamuud Dhogor oo geba-gabadii kulankaasi la hadlay Warbaahinta ayaa sheegay inay ku faraxsan yihiin kormeerka uu Taliyuhu ku sameynayo xarumaha hay’adaha ammaanka ee magaaladaasi. “Waan ku faraxsanahay booqashada uu noogu yimid Taliyaha Ciidanka Booliska Jamhuuriyadda Federaalka Somaliya, oo kormeer ku samayn doono dhammaan Ciidanka Booliska Dowlad Goboleedka Jubbaland, xarumihiisa, saldhigyadiisa iyo qaabka ay u shaqeynayaan.” Ayuu yiri Dhogor. General Xijaar oo isna hadlay ayaa bogaadiyay Taliska Qaybta Booliska...

  Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble ayaa Kismaayo kula kulmay qaar ka mid ah siyaasiyiinta Jubaland ee ka soo jeeda Gobolka Gedo taas oo qeyb ka ah dadaallada Ra’iisul Wasaaraha ee  dib u heshiinta Gedo.

Kulan lagu yeeshay magaalada Muqdisho ay ku yeesheen xubnaha Guddiga doorashooyinka Heer Dowlad Goboleed ee Maamulka Puntland ayaa kulankooda ku doortay Guddoomiye iyo kuxigeenkiisa.  Xubnaha Guddiga oo ka kooban 11 Xubnood ayaa waxaa  xilka guddoomiyaha isku soo taagay Cabdikariim Muuse Maxamed, waxaana iyada oo aysan jirin cid la tartantay oo ku guuleystay guddoomiyaha Gudiga doorashooyinka Heer Dowlad Goboleed ee Maamulka Puntland, isaga oo helay 11 Cod.  Xilka jagada guddoomiye ku xigeenka Gudiga ayaa waxa isku soo sharaxay Caynaanshe Yuusuf Xuseen,, waxaana , iyada oo aysan jirin musharax kale oo kula tartamay jagaadan uu helay 11 Cod, isaga oo noqday Guddoomiye kuxuigeenka Gudiga doorashooyinka Maamulka Puntland.  Horay waxaa Guddoon u doortay Guddiyada doorashada Heer Dowlad Goboleed ee Maamulada, Koonfur Galbeed, Galmudug , waxaana la filayaa in sidoo kale ay dhacdo doorashada Guddoonka Gudiyada doorashada, HirShabeelle iyo Jubbaland.

Mudane Maxamed Xuseen Rooble, Ra’iisul Wasaaraha Xukuumadda Federaalka Soomaaliya ayaa Wakiillada Beesha Caalamka la yeeshay kulan looga hadlay horumarrada laga sameeyay Arrimaha doorashooyinka dalka, amniga doorashooyinka iyo  teegeerada beesha caalamka ee dhaqaale iyo farsamo ee doorashooyinka.

  Ciiddamo gaar ah oo ka tirsan Xoogga Dalka ayaa xalay degaanka Daarusalaam oo hoos taga Degmada Cadale ee  Gobolka Shabeellaha Dhexe ku dilay Horjooge Maxamed Cabdi Suubiye oo katirsan horjoogayaasha sar sare ee kooxda Al-shabaab, kaasi oo magaciisa afgarashadu ahaa (Toosoow). Taliyaha Ciidanka Xoogga Dalka Jeneraal Odowaa Yuusu Raage ayaa TV-ga Qaranka u sheegay in Howlgal qorsheysan oo ujeedkiisu ahaa Khaarijinta dhagar qabahaan iyo ka hortaga dhagarta Argagixisada uu cutub ciidanka ka tirsan ka fuliyay aagga Masaajid Cali Gaduud isla markaana laga gaaray hadafkii laga lahaa.

Wasiirka Waxbarashadda, Hiddaha iyo Tacliinta Sare ee Xukuumadda Federaalka Soomaaliya Eng Cabdullahi Abuukar Xaaji,ayaa magacaabay Guddigga ku meel gaarka ah ee hurumarinta Afka Somaaliga kuwaasi oo wax ka qaban doona dhibaatooyinka heysta Afka Somaaliga iyo hurumarinta Akadeemiyadd Goboleedka Af-Soomaaliga. Liiska xubnaha la magacaabay hoos ka aqriso.

Ra’iisul Wasaare  Rooble”Waxaan cambaareynayaa qaraxii argagixisada Alshabaab galabta ka geysteen Muqdisho oo ay ku dhinteen kuna dhaawacmeen dad rayid ah oo aan waxba galabsan. Inta dhimatay Allaha u naxariisto, dhaawacyadana Allaha bogsiiyo. Falkan bahalnimada iyo arxan darrida ah waxa uu muujinayaa sida ay argagixisada uga go’antahay waxyeelleynta shacabka, taas oo waajib nooga dhigeysa in aan isu kaashanno la dagaallanka iyo ciribtirka argagixisada noo diiddan nabadda iyo dowladnimada.”

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa calan-saaray Madaxtooyada Qaranka, si loo maamuuso Maalinta Xorriyadda iyo Midnimada ee 1-da Luulyo oo ku aaddan sannad-guurada 61-aad ee ka soo wareegtay xornimada Gobollada Koonfureed iyo midowga Labadii Gobol ee gumaystuhu uu kala qaybiyey. Madaxweynaha ayaa dhammaan shacabka Soomaaliyeed ugu hambalyeeyay maalintan qiimaha badan oo ku suntan gobanimada, midnimada iyo dowladnimada dadka Soomaaliyeed ee maal iyo naf-ba u huray hanashada Qaran ka tarjumaya himilada iyo hiigsigooda. Madaxweyne Maxamed Cabdullaahi Farmaajo oo salaan sharaf ay siinayaan cutubyo ka tirsan Ciidanka Xoogga Dalka, baambayduna ay ku maamuusayso Heesta Calanka ayaa calan-saaray Madaxtooyada Qaranka, halkaas oo caawa ay ka bilaambatay dabbaaldegyada Xuska Maalinta Xorriyadda iyo Midnimada. Dhammaan shacabka Soomaaliyeed waxa ay bogaadin ku mudan yihiin sida qiimaha badan ee ay uga qayb qaadanayaan Xuska Toddobaadka Xorriyad...