Maanta Media

  Ra’iisul Wasaaaraha XFS Mudane Maxamed Xuseen Rooble ayaa maanta kulan la yeeshay Midowga Musharraxiinta oo ay ka wada hadleen  arrimo ay ka mid yihiin; Dardar gelinta howlaha doorashooyinka Iyo in doorashadu noqoto mid hufan, daahfuran oo waqtigeeda ku dhacda Midowga Murasharaxiinta ayaa Ra’iisul Wasaaraha la wadaagay talooyin ku aaddan turxaanbixinta iyo kala caddeynta qodobbada qaar ee ku xusan habraacii arrimaha doorashooyinka ee Golaha Wadatashiga Qaranku soo saareen 24-kii bishan. Ra’iisul Wasaaraha iyo Midowga Musharraxiinta ayaa isla gartay in si wadajir ah looga wada shaqeeyo bilaabista wajiga labaad ee doorashada Golaha Shacabka ee BFS, si dhowna looga wada shaqeeyo arimaha u baahan kala cadeeynta.

  Kulan ay ku yeesheen Xubnaha Golaha Midowga Musharixiinta Madaxweynaha magaalada Muqdisho ayay ugaga hadleen xaaladda dalka gaar ahaan Arrimaha doorashooyinka. Kulankan ayaa waxaa ay Midowga Musharixiinta diirada ku saareen culeysyada kajira dalka gaar ahaan arrimaha doorashooyinka. Gabagabadii kulankan ayaa waxa ay Midowga Musharaxiinta ay ka soo saareen afar qodob oo kan ugu horeeya uu yahay dib u dhaca doorashada iyo mugdiga uu galay ayna Bulshada Soomaaliyeed ka niyad jabeen , isla markaana uu mas’uul ka yahay Madaxweynaha muddo xileedkiisa uu dhamaaday ee Farmaajo. Sidoo kale Golaha Midowga Musharixiinta ayaa sheegay inay u taagan yihiin in dalkaan doorashooyin xur iyo xalaal ah oo la isku haleyn karobay ka dhacaan. Midowga ayaa xusay in ay wadahadalo la leeyihiin Golaha wadatashiga doorashoiyinka sigaar ah dowlad Goboleedyada, iyaga oo u gudbiyay tabashada ay ka qabaan habraaca doorashada, wixii kasoo baxana ay Bulshada la wadaagi doonaan. Ugu dambeyntii Golaha Midowga Mush...

Muqdisho, Ogoosto 28, 2021; Marwada Koowaad ee Dalka Marwo Saynab Cabdi Macallin oo xarigga ka jartay isbitaalka hooyada iyo dhallaanka magaalada Baraawe ayaa ku bogaadisay bulshada deegaanka sida ay ugu garab istaageen hirgelintiisa.  Marwo Saynab oo ka warbixisay qorshaha lagu hirgeliyey Isbitaalkan ayaa tilmaamtay in muhiimad weyn uu u leeyahay dadka ku dhaqan magaalada Baraawe iyo deegaannada kale ee ku xeeran oo baahi weyn u qabay adeeg caafimaad oo tayo leh. “Caafimaadku waxa uu ka mid yahay adeegyada aasaasiga u ah bulshada, sidaas awgeed Isbitaalkan waxa aan ugu talo galnay wax ka qabashada dhibaatooyinka caafimaad ee soo wajaha hooyada iyo dhallaanka Soomaaliyeed ee ku nool magaalada Baraawe iyo deegaannada kale ee Gobolka Shabeellaha Hoose.” Marwada Koowaad ee Dalka Marwo Saynab Cabdi Macallin ayaa adkeysay muhiimadda ilaalinta xarumaha danta guud, iyada oo kula dardaarantay bulshada Baraawe in ay ilaashadaan dhismaha iyo agabka kale ee yaalla xarunta oo ah mid casri ah. ...

  Taliyaha ciidanka booliska Soomaaliyeed  Gen. Cabdi Xasan Maxamed Xijaar ayaa tacsi u diray Taliyaha Ciidanka xoogga dalka iyo dhammaan Ciidanka Xoogga Soomaaliyeed iyo qoyskii iyo qaraabadii uu ka geeriyooday Alle ha u naxariiste Taliyaha Howlgalinta ciidanka xoogga Soomaaliyeed sareeye Guuto Maxamed Sheekh Madoobe oo shalay ku geeriyooday dalka Turkiga. Taliye Xijaar ayaa Alle uga baryay marxuumka in jannadii fardowsa rabi ka waraabiyo.

  Maxkamadda gobolka Galgaduud ee maamulka Galmudug ayaa maanta soo gaba-gabeysay dacwad ka dhan ah eedeysane Maxamed Cabdi Dhoore oo loo heesto inuu afduub iyo kufsi u geystay gabar yar oo lix sano jir ah.  Maxkamadda ayaa shaaca ka qaaday in Dhoore uu falkan geystay 19-kii bishan August, isla-markaana uu ka dhacay  deegaanka Godinlabe ee gobolka Galgaduud ee bartamaha Soomaaliya, waxaana la sheegay in gabadha uu falkaasi ka soo gaaray dhaawac xoog leh.  Ugu horreyn xeer ilaalinta maxkamadda ayaa goobta ku soo bandhigtay qiraal laga qoray eedeysanaha iyo caddeymo kale oo muujinaya, sida uu falka u dhacay oo ay ka mid yihiin warqadda dhaqtarka, dharkiii gabadhu xirneyd iyo sawirrada goobta laga soo qaaday, iyada oo xeer ilaalinta ay dalbatay in loo cuskado ciqaabta la marsiinayo eedeysanaha. Sidoo kale qareenada difaacayey eedeysanaha oo dhankooda ka hor hadlay maxkamadda ayaa ka dalbaday in eedeysanaha loo qafiifiyo xukunka , iyadoo la eegayo qiraalkiisa.  Inta...

  Wasaaradda Gargaarka iyo Maareynta Masiibooyinka Dowlad Goboleedka Koonfur Galbeed Soomaaliya iyo wafdi balaaran oo isugu jira hay’adaha gargaarka ee Qaramada Midoobay, ee kala ah UNOCHA, UNICEF, WFP, UNFPA iyo kuwa kale oo gaaray degmada Qansaxdheere ayaa kormeeray xeryahah barakacayaasha. Agaasimaha Guud ee Wasaaradda Gargaarka iyo Maareynta Masiibooyinka Dowlad Goboleedka Koonfur Galbeed Soomaaliya mudane Diini Cabdinuur Maxamed oo wareysi gaar ah siiyay Radio Muqdisho ayaa sheegay in ujeedka socdaalkooda ay la xiriirtay u kuurgelidda xaaladda Beni’aadannimo ee ka jirta degmada Qansaxdheere ee Gobolka Baay, iyagoo warbixinno ka dhageystay Maamulka Degmada iyo dadka ku nool xeryaha barakacayaasha. Mudane Diini Cabdinuur Maxamed ayaa xusay inay ka jawaabi doonaan baahiyaha ka jirta degmada, iyagoo la kaashanayo hay’adaha samafalka, ayna xoogga saari doonaan wax u qabashada dadka ay go’doomiyeen argagixisada Al-Shabaab. Agaasimaha Guud ee Wasaaradda Gargaarka iyo Maareynta Masiib...

  Ra’iisul Wasaaraha Xukuumadda Federaalka Soomaaliya oo ay wehliyaan madaxda Dowlad-goboleedyada iyo Guddoomiyaha Gobolka Banaadir, ayaa kulan la yeeshay Guddiga xaqiijinta qoondada haweenka 30% ee goleyaasha BFS, iyagoo u xaqiijiyay in ay Golaha Wadatashiga Qaranka ka go’an tahay xaqiijinta matalaadda haweenka ee BFS.

Golaha Wadatashiga Qaran ayaa war-murtiyeed kasoo saaray shirki labadii maalmood  21-22 Agoosto, 2021 kado kasocday magaalada Muqdisho, kaasi oo heshiis looga gaaray habraacyada doorashooyinka dalka. War-murtiyeedka kasoo baxay Golaha Wadatashiga Qaranka ayaa waxaa lagu soo saaray 7-habraac oo looga heshiiyey doorashooyinka. Ayado faahfaahsan hoos kaga bogo.

  Shirka Golaha Wadatashiga Qaranka oo uu guddoominayo Ra’iisul Wasaare Rooble ayaa ka furmay Muqdisho, kaasoo looga hadlayo dardargelinta howlaha doorashooyinka, diyaarinta habraacyada doorashada  Golaha Shacabka , raadinta dhaqaalaha ku baxaya doorashooyinka ee aan weli soo xeroonin iyo sidii horey loogu wadi lahaa doorashooyinka dalka ka bilowday. Shirka Golaha Wadatashiga Qaranka ayaa kaqeyb galay dhammaan mamul gobolyeeyada iyo duqa magaalada Muqdisho. Shirka oo si rasmi ah u furmey ayaa socon doona maalmaha soo socda kadib marki laisku afgartey intu socon doono.

  Muqdisho, Ogoosto 20, 2021: Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa kulan casho sharaf ah oo ka dhacay Madaxtooyada Qaranka ku maamuusay diblomaasiyiinta iyo wafdiga Dowladda Turkiga ee ka qeyb galay munaasabadda xuska 10 sano guurada ka soo wareegtay dib u cusbooneysiinta xiriirka Soomaaliya iyo Turkiga.  Madaxweynaha ayaa tilmaamay in xiriirka faca-weyn ee ka dhaxeeya dadka Soomaaliyeed iyo walaalahooda Turkiga uu yahay mid ku dhisan wax wada-qabsi iyo is ixtiraam, shacabka iyo dowladda Soomaaliyeedna waxa ay abaal uga hayaan Dowladda Turkiga garab istaagga taariikhiga ah. " Xiriirka Soomaaliya iyo Turkigu waa mid soo jireen ah oo ku siman ilaa xilligii Boqortooyada Cusmaaniyiinta. Maanta xiriirkeenna diblomaasiyadeed ee dhidibbada adagi waxa uu u abuuray labadeenna dowladood fursado badan oo ah dhinacyada Ganacsiga, Amniga iyo is-dhexgalka labadeenna shacab.” Madaxweyne Farmaajo ayaa dul istaagay guulaha wax ku oolka ah ee...

  Ergeyga Gaarka ah ee Madaxweynaha Ruushka ee Xiriirka Ruushka   dalalka Bariga Dhexe iyo Qaaradda Afrika ahna Wasiir Ku -xigeenka Arrimaha Dibadda ee Ruushka ML    Bogdanov ayaa qaabilay safiirka Jamhuuriyadda Federaalka ee   Soomaaliya u magacowday   dalka Ruushka Xasan Cabdi Daaud.   Safiirka ayaa nuqul ka mid ah warqadahiisa aqoonsiga Safiirnimo waxaaa guddoonsiiyay Erayga gaarka ah ee Madaxweynaha Ruushka u qaabilsan Bariga dhaxe iyo Dalalka Afrika. Dhinacyada ayaa diiradda isla saaray xiriirka qotada dheer ee u dhaxeeya labada wadan ayaga oo xoogga saaray wada-hadalka siyaasadeed iyo ballaarinta xiriirka ganacsi iyo midka dhaqaale ee labada dhinacba.   Waxaa sido kale labada dhinac ay si xiiso leh uga wada hadleen kor u qaadista geeddi -socodka bulshada iyo siyaasadda Soomaaliya Isla mar ahaantaana, dhinaca Ruushku wuxuu xaqiijiyay taageerada joogtada ah ee dadaallada ay Soomaalidu ugu jirto samaynta hay'ado dimuqraadi ah oo awood leh s...

Ra'iisul Wasaaraha XFS oo safar shaqo ah kujooga dalka Masar ayaa booqday Jaamacadda Carabta ee Qaahira, halkaas oo uu ku soo dhaweeyay Xoghayaha Guud ee Jaamacadda Carabta Axmed Abulqeyd. Xog-hayaha Jaamacadda Carabta oo Ra’iisul Wasaare Rooble uga mahadceliyay booqashadiisa ayaa warbixin ka siiyay qaab howleedka JC isagoo ku soo wareejiyay qeybaha ay ka kooban tahay.   Dr. Axmed Abulqeyd ayaa ku ammaanay Ra’iisul Wasaaraha kaalintiisa hoggaamineed ee arrimaha doorashooyinka iyo dib- u heshiinta, isagoo ballan qaaday in Jaamacadda Carabtu ay taageero dhan walba ah la garab joogto Dowladda iyo Shacabka Soomaaliyeed.   Ra'iisul Wasaare Rooble, ayaa dhankiisa ka mahadceliyey soo dhaweynta diirran, isagoo caddeeyay in Soomaaliya oo xubin ka ah Ururka Jaamacadda Carabta, ay taageero weyn ka filayso saaxiibadeeda JC, gaar ahaan xilligan xasaasiga ah ee doorashada dalka.

       Maxamed Xuseen Rooble, Ra'iisul Wasaaraha Jamhuuriyadda Federaalka Soomaaliya iyo koox uu hoggaaminayo ayaa gaaray magaalada Qaahira ee caasimadda Masar, halkaasoo ay si wanaagsan ugu soo dhaweeyeen Ra'iisul Wasaaraha Masar Moustafa Madbouly iyo mas'uuliyiin kale.      Booqasho uu ku tagay dalka Masar, ra’iisul wasaaraha Soomaaliya Maxamed Xuseen Rooble iyo wafdiga la socda ayaa la kulmay ra’iisul wasaaraha Masar iyo xubno ka tirsan golihiisa wasiirrada, iyadoo diiradda lagu saaray sidii loo xoojin lahaa xiriirka soo jireenka ah iyo iskaashiga saaxiibtinimo, iyo sidoo kale sidii kor loogu qaadi lahaa. deeqaha waxbarasho ee ardayda Soomaaliyeed, fududeynta safarka, ganacsiga, iyo maalgashiga.  

  Maxamed Xuseen Rooble, Ra’iisul Wasaaraha Xukuumadda Federaalka ah ee Soomaaliya ayaa kulan hiigsi ah la qaatay madaxda Golaha Wadatashiga Qaranka oo ay ka mid yihiin Dowladda Federaalka, Dowlad Goboleedyada, iyo Gobolka Banaadir.   Golaha Wadatashiga Qaran ayaa go’aamiyay in ay Muqdisho ku kulmaan 19 -ka Ogosto si ay uga wada hadlaan u diyaargarowga doorashooyinka Baarlamaanka soo socda, habraaca doorashada, iyo maalgelinta doorashada  iyo sida loo sii wado.   Ra'iisul Wasaare , Maxamed Xuseen Rooble ayaa ku dhiiri geliyey dowladaha inay dardar geliyaan hirgelinta doorashooyinka Aqalka Sare si looga baaqsado dib -u -dhac loona gaaro jadwalka doorashooyinka.

  Madaxweynaha Federaalka Soomaaliya Maxamed Cabdullaahi Farmaajo ayaa ka qayb galay munaasabadda daah-furka g uddiga madaxa-bannaan ee la dagaallanka musuq-maasuqa, kaas oo dalka u hoggaansami doona xeerarka caalamiga ah ee la dagaallanka musuqmaasuqa.   Markii ugu horreysay tan iyo burburkii dowladdii dhexe, Soomaaliya waxay yeelan doontaa guddiga la dagaallanka musuqmaasuqa. madaxweyne Farmaajo ayaa sidoo kale 14-ka Ogosto u asteeyey inay tahay maalinta La dagaalanka musuq-maasuqa Soomaaliya.   Madaxweynaha JFS ayaa yiri. "Si aan uga mira dhalino hiigsigeena ku aaadan gaaridda dowlad wanaagga 14 Augusto waxaan u asteynay maalinta la dagaalanka musuq-maasuqa Soomaaliya"

Madaxweynaha Dowlad Goboleedka Koonfur Galbeed Soomaaliya, Cabdicasiis Lafta gareen ayaa soo Dhammaystiray Liiska tartamayaasha Xubnaha Aqalka Sare ee Baarlamaanka federaalka. Halkan ka daalaco.

Maxamed Xuseen Rooble, Ra’iisul Wasaaraha Xukuumadda Federaalka Soomaaliya ayaa kulan la qaatay qaar ka mid ah ganacsatada Soomaaliyeed ee ku dhaqan magaalada Nairobi ee dalka Kenya .  Kulanka oo ahaa mid soo dhaweyn ah ayaa ganacstada waxa ay uga xog warameen Ra’iisul Wasaaraha ganacasiga Soomaalida ay ku leeyihiin Kenya , horumarka ay sameyeen iyo caqabadaha heysta xilligan. Ganacstada ayaa u soo jeedinayaan talooyin ay u arkaan in lagu hagaajin karo xoojinta xiriirka labada dal .

Wasiirka Isgaarsiinta iyo TeknoolojiyadaXukuumadda Soomaaliya,  Cabdi Sheekh Axmed, ayaa ka qeybgalaya Shirweynaha Midowga Boostada Adduunka oo ka furmay caasimadda dalka Ivory Coast ee Abidjan. Shirweynahan oo sanadkii hore u baaqday cudurka coronavirus awgiis, waxaa looga hadlayaa arrimo badan oo khuseeya Boostada Adduunka, waxaana ugu weyn doorashada Agaasimaha Guud ee Midowga Boostada Adduunka iyo guddiyada ugu sarreeya Midowga, kuwaas oo howgali doona afarta sano ee soo socota. Furitaanka kadib, Wasiirku wuxuu shir-doceed la yeeshay Agaasimaha xilka wareejinaya ee UPU, Bishaar Xuseen oo ururka madax ka ahaa sagaalkii sano ee la soo dhaafay, isagoo uga mahadceliyay kaalintii uu ka geysatay soo-nooleynta Boostada Soomaaliya iyo inay soo ceshato xubinnimadeedii.Soomaaliya ayaa soo ceshatay xubinnimada buuxda ee UPU sanadkii 2019-ka, waxayna tani noqoneysaa doorashadii ugu horreysay ee madaxda Wasaaraddu ka qeybgalaan tan iyo burburkii dalka ka dhacay.

  Dowlad goboleedka Puntland ee xubnaha ka ah federaalka ee Soomaaliya ayaa soo saartay liiska musharixiinta u taagan 11 -ka kursi ee Aqalka Sare. Saddex ka mid ah kuraasta ayaa waxaa ku loolamaya dhammaan musharrixiinta haweenka ah, taas oo xaqiijinaysa in Puntland ay yeelato saddex haween ah oo loo doorto Golaha Guurtida. Halkan kadaalaco.

  Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble  ayaa kulan is xog wareysi xaaladda dalka iyo doorashooyinka waxa uu hoygiisa kula yeeshay Madaxweynayaashii hore ee dalka Mudane Shariif Sh. Ahmed iyo Xasan Sh. Maxamuud.  Ra’iisul Wasaare Rooble ayaa sii wada kulamada gaar gaarka ah ee uu la yeelanayo Musharaxiinta iyo Siyaasiyiinta Soomaaliyeed si ay doorashooyinka ugu qabsoomaan jawi xasiloon.

   Sida ay lawada socdaan bulshada Soomaaliyeed,  Dalku waxa uu ku jiraa marxalad adag oo dhammaan hay’adaha Dastuuriga ah uu ka dhamaaday muddo-xileedkoodii caadiga ah loona baahanyahay in si xilkasnimo leh looga gudbiyo dalka marxaladan kala guurka ah. Ra’iisul Wasaare  Maxamed Xuseen Rooble iyo Xukuumaddiisu waxa ay xilka fulinta ee Dalka la wareegtay xilli aad u adkaa oo Soomaaliya ay wajahaysay xiisado gudaha iyo dibadda ah, kuwaas oo keenay in lagu sigto in dalku uu ku noqdo burbur iyo colaado sokeeye. Ra’iisul Wasaarahu isaga oo maanka ku haya mas’uuliyadda Qaran ee saaran waxa uu dadaal wayn ku bixiyay sidii dalka looga badbaadin lahaa marxaladaas adag, wuxuuna u hawlgalay sidii loo dajinlahaa Xiisadaha Gudaha iyo kuwa dibadda, iyadoo la ilaalinayo danaha Shacabka Soomaaliyeed. Ra’iisul Wasaaraha iyo Golihiisa Wasiiradu waxeey ku guulaysteen toban bilood ka dib in uu muuqdo isbadal wayn oo ku yimid muuqaalka qaranka ee gudaha iyo dibadda, taas oo keentay in m...

Maxamed Xuseen Rooble, Ra’iisul Wasaaraha Xukuumadda Federaalka Soomaaliya ayaa u hambalyeey xubnaha Guddoonka Guddiga Doorashada Somaliland ee SEIT ee  Sabtidi  is doortay.  Ra’isul Wasaaraha ayaa ku booriyay xubnaha guddoonka la doortay in ay dargaliyaan sida ugu dhaqsaha badan doorashooyinka  iyaga oo kaashanaya Guddiga heer Federal ee FEIT. Ra’isul Wasaare Rooble ayaa sheegay uu sii wadi doono waan waantii uu ka dhex waday siyaasiyiinta Somaliland ee ay kala hogaamiyaan Guddoomiye Cabdi Xaashi iyo Ra’isul Wasaare ku xigeen Mahdi Guuleed.