Garsooraha caalamiga ah ee Soomaaliyeed Cumar Cabdulqaadir Cartan ayaa dalka dib ugu soo laabtay isagoo ku sugan dalka Mareykanka, waxaana soo dhaweyn heer sare ah loogu sameeyay garoonka.Garoonka Diyaaradaha Caalamiga ah ee Aadan Cadde ee maanta Muqdisho. Inkastoo ay haystaan fiisaha safarka oo ansax ah, Cartan waxaa loo diiday inuu galo Mareykanka iyadoo ay soo gudbisay Kastamka iyo Ilaalinta Xuduudaha. Go'aanka ayaa lagu qasbay garoonka diyaaradaha ee Miami dhammaadka usbuuca. FIFA oo si rasmi ah uga saari doonta garsooraha taariikhiga ah ee ciyaarta liiska ciyaartoydamaalmo yar ka hor inta uusan bilaaban bandhigga caalamiga ahka bax. Garsooraha Soomaaliyeed Cumar Cabdulqaadir Cartan ayaa lagu soo dhaweeyay gurigiisa markii uu ka soo degay garoonka diyaaradaha ee Aadan Cabdulle Cusmaan ee magaalada Muqdisho, Soomaaliya. Difaaca Magaca Soomaaliyeed Ra'iisul Wasaare Xamza Cabdi Barre ayaa ka hadlay xaaladdan.intii lagu jiray xaflad rasmi ah, isagoo xusay...
Muqdisho, Ogoosto 28, 2021; Marwada Koowaad ee Dalka Marwo Saynab Cabdi Macallin oo xarigga ka jartay isbitaalka hooyada iyo dhallaanka magaalada Baraawe ayaa ku bogaadisay bulshada deegaanka sida ay ugu garab istaageen hirgelintiisa.
Marwo Saynab oo ka warbixisay qorshaha lagu hirgeliyey Isbitaalkan ayaa tilmaamtay in muhiimad weyn uu u leeyahay dadka ku dhaqan magaalada Baraawe iyo deegaannada kale ee ku xeeran oo baahi weyn u qabay adeeg caafimaad oo tayo leh.
“Caafimaadku waxa uu ka mid yahay adeegyada aasaasiga u ah bulshada, sidaas awgeed Isbitaalkan waxa aan ugu talo galnay wax ka qabashada dhibaatooyinka caafimaad ee soo wajaha hooyada iyo dhallaanka Soomaaliyeed ee ku nool magaalada Baraawe iyo deegaannada kale ee Gobolka Shabeellaha Hoose.”
Marwada Koowaad ee Dalka Marwo Saynab Cabdi Macallin ayaa adkeysay muhiimadda ilaalinta xarumaha danta guud, iyada oo kula dardaarantay bulshada Baraawe in ay ilaashadaan dhismaha iyo agabka kale ee yaalla xarunta oo ah mid casri ah.
Dhanka kale, Marwada ayaa uga mahadcelisay howl-wadeennada Hay'adda Saynab Moallim Foundation dadaalka xooggan ee ay ku bixiyeen sidii loo hirgalinlahaa dhismahan xaruntan caafimaad, sidoo kale Marwadu waxa ay u mahadcelisay maamulka shirkadda Hass Petrolium oo gacan ka geystay qalabaynta xarunta hooyada iyo dhallaanka ee degmada Baraawe.
Safarka waxaa ku weheliyey Marwada Koowaad ee Dalka Marwo Saynab Cabdi Macallin, Guddoomiyaha Baarlamaanka Dowlad Gobolleedka Koonfur Galbeed Mudane Axmed Siciid Fiqi, Wasiirka Gargaarka iyo Maareynta Musiibooyinka XFS, Marwo Khadiijo Maxamed Diiriye, Wasiirka Dhallinyarada iyo Ciyaaraha Mudane Xamse Siciid Xamse, Wasiirka Ku-xigeenka Caafimaadka Dr. Axmed Xuseen Macallin, Ku-simaha Agaasimaha Guud ahna Agaasime Ku-xigeenka Madaxtooyada JFS Mudane Cabdinuur Maxamed Axmed.
Posts
Comments
Post a Comment