Madaxweynaha maamulka Jubbaland, ayaa sheegay in uu diyaar u yahay ka qeyb qaadashada dagaalka ka dhanka ah Al Shabaab.
Axmed Madoobe, Madaxweynaha Dowlad Goboleedka Jubbaland, ayaa shaaca ka qaaday in Maamulkiisa uu diyaariyay askar ka tirsan Ciidanka Dowladda, si ay uga qayb qaataan dagaalka ay Dowladda Federalka Somaliya kula jirto Ururka Al Shabaab. Madaxweyne Madoobe oo ay taageerayaan Wasiirka Gaashaandhigga Xukuumadda Federaalka Soomaaliya Cabdulqaadir Maxamed Nuur iyo Abaanduulaha Ciidanka Xoogga dalka Soomaaliyeed General Odawaa Yuusuf Raage ayaa hadalkan ka sheegay dhoolatus ciidan oo ka dhacay magaalada Kismaayo. Madaxa maamulka Jubbaland ayaa ku ammaanay maleeshiyada shacabka ee ku sugan gobolka Hiiraan sida ay ula shaqeeyaan ciidamada dowladda sidii Al Shabaab looga saari lahaa deegaanada ay kaga sugan yihiin. Madaxweyne Madoobe ayaa bartiisa Facebook-ga iyo Twitter-kiisa kuyiri, “Maanta qof walba waxaa waajib ku ah inuu ka qeyb qaato dagaalka xaqa ah ee dalka ka socda oo aan ku difaacayno diinta, dhaqanka, iyo sharafta dadka Soomaaliyeed meel walba oo ay joogaan. Waxaan guul u ra