Sanadihii u dambeeyey, Ururka Muslim Brotherhood ayaa noqday khatar weyn oo aamusnaan ku socota oo halis ku ah midnimada iyo amniga Jamhuuriyadda Faransiiska. In kasta oo badanaa loo arko urur diimeed ama bulsho, haddana waxqabadkooda Faransiiska ayaa muujinaya istiraatiijiyad dheer oo qorsheysan oo lagu dhex-galayo hay’adaha muhiimka ah, lagu maamulo bulshooyinka jilicsan, laguna wiiqo aasaaska Jamhuuriyadda oo ku dhisan kala soocidda diinta iyo dowladnimada. Khatar Aamusnaan iyo Mudo Dheer Ah Ururka Muslim Brotherhood maaha sida ururada argagixisada oo kale oo weerar toos ah ku qaada, balse waxay adeegsanayaan hab-dhaqan jilicsan oo dhex-gal bulshada ah. Halkii ay isticmaali lahaayeen hub iyo rabshado, waxay ku faafiyaan aragtiyo iyo saameyn siyaasadeed iyagoo ka faa’iideysanaya xorriyadaha dimuqraadiyadda iyo hay’adaha madaniga ah si tartiib tartiib ah loogu wiiqo midnimada Jamhuuriyadda. Istiraatiijiyaddoodu waa mid muddo dheer qaadata oo aamusnaan ku socota. Ka Faa’iidaysiga...
Taliyaha Ciidanka Booliska Soomaaliyeed, General Cabdi Xasan Maxamed (Xijaar) ayaa Magaalada Kismaayo kula kulmay Saraakiisha Booliska Jubbaland, ka dib kormeer uu ku tagay Saldhigga Dhexe ee magaaladaasi.
Taliyaha Ciidanka Booliska Soomaaliyeed, General Cabdi Xasan Maxamed (Xijaar) ayaa Magaalada Kismaayo kula kulmay Saraakiisha Booliska Jubbaland, ka dib kormeer uu ku tagay Saldhigga Dhexe ee magaaladaasi.
Taliyaha ayaa Saraakiisha Booliska Jubbaland kala hadlay xaqiijinta nabadgelyada shacabka iyo masuuliyiinta ka qaybgelaya doorashada Labada Aqal ee Baarlamaanka ee lagu wado in dhawaan ay ka dhacdo Magaalada Kismaayo.
Taliyaha Qaybta Booliska Gobolka Jubbada Hoose, Sadiiq Maxamuud Dhogor oo geba-gabadii kulankaasi la hadlay Warbaahinta ayaa sheegay inay ku faraxsan yihiin kormeerka uu Taliyuhu ku sameynayo xarumaha hay’adaha ammaanka ee magaaladaasi.
“Waan ku faraxsanahay booqashada uu noogu yimid Taliyaha Ciidanka Booliska Jamhuuriyadda Federaalka Somaliya, oo kormeer ku samayn doono dhammaan Ciidanka Booliska Dowlad Goboleedka Jubbaland, xarumihiisa, saldhigyadiisa iyo qaabka ay u shaqeynayaan.” Ayuu yiri Dhogor.
General Xijaar oo isna hadlay ayaa bogaadiyay Taliska Qaybta Booliska Jubbada Hoose, isagoona sheegay inay wada shaqeeyaan Booliska Dowladda Federaalka iyo kuwa Dowlad Goboleedyada.
“Waxaan u nimid oo fiirineynay xaaladda guud ay ku sugan yihiin Ciidanka Booliska Jubbaland, sidaad ka warqabtaan dalkan dhawaan waxaa ka dhici doona doorasho, qayb ahaan waxay ka mid tahay inaanu soo hubino oo soo eegno Ciidanka Booliska Soomaaliyeed ee Jubbaland, siduu diyaarka ugu yahay hirgelinta doorashada.” Ayuu yiri General Xijaar.
Jananka ayaa intaa ku daray “Ciidanka Booliska meel kasta oo uu ka jooggo Jamhuuriyadda Federaalka Somaliya ama Dowlad Goboleedyada waxaa xukuma Taliska Ciidanka Booliska Soomaaliyeed, waxayna ka talo qaataan oo ka wada shaqeeyaan, dembiiluhu si uusan meelna ugu gaban dalka gudahiisa.”
Posts
Comments
Post a Comment