James Swan oo ah ergayga Qaramada Midoobay u qaabilsan Soomaaliya ayaa la rumeysan yahay inuu hayo xilal ay dani ugu jirto Farmaajo iyo Fahad Yaasiin.

Fahad Yaasiin Daahir, Taliyihii hore ee Nabad Suggida Somaliya iyo Safiirka QaramadaMidoobay James Swan, ayaa la sheegay inay ku kulmeen Xerada Xalane ee Magaalada Muqdisho 2020. Xiriiro lala sameynay xafiiska Qaramada Midoobay ee Soomaaliya, gaar ahaan qeybta warbaahinta, si xog loogu helo faah faahinta iyo ajandayaasha shirka jawaab lagama soo celinin.

Fahad waa gacanta midig ee Madaxweyne Farmaajo, sida ay sheegayaan warar kala duwan. Sidoo kale, waxaa la rumeysan yahay in uu keenay dhaqaalihii uu madaxtinimadda ku helay doorashadii Febraayo, 2017-kii.

James Swan waxa uu sheegay in horumar laga sameeyay hanaanka doorashada Soomaaliya iyadoo ay aad u gaabis ahayd. Waxa uu sheegay in inkasta oo uu horumarro ku yimid hannaanka doorashada Soomaaliya, haddana dadaallada hoggaamiyeyaasha siyaasadda Soomaaliya ee lagu xaqiijinayo in doorashada baarlamaanka federaalka si guul ah ay u dhacdo waa in ay “laba jibaaraan toddobaadyada xigga”.

Sidoo kale waxa uu sheegay James Swan, khilaafka Madaxweynaha iyo Ra’iisul Wasaaraha soo kala dhex galay bilihii Ogosto iyo September, waxaa sabab u ahaa labo arrimood oo kala ah magacaabista iyo xakameynta madaxda ugu sareysa laamaha ammaanka. Xiisadda ayaa yara yaraatay, sida lagu sheegay baaritaan lagu sameeyay sarkaal ka tirsan Hay’adda Sirdoonkaiyo Nabadsugida Qaranka oo la waayay.

Sida laga soo xigtay Qaramada Midoobay, 7.7 milyan oo Soomaali ah ayaa u baahan doona gargaar bini'aadantinimo sannadkan 2022. Qiyaastii 1.2 milyan oo carruur ah oo da'doodu ka yar tahay shanta sano ayaa la filayaa inay soo wajahdo nafaqo darro aad u daran haddii aan si degdeg ah wax looga qaban. Barakacayaasha gudaha dalka ku barakacay qiyaastii waa 2.9 milyan, taasoo ka dhigaysa mid ka mid ah barakacayaasha ugu weyn adduunka.