Skip to main content

Follow

Wararka Maanta

Kala-xirnaanta Marinka Hormuz: Khatarta ka dhalatay Go’aanka Iiraan iyo Saamaynta Suuqa Shidaalka Dunida

By
  Khatarta ka dhalatay Xiritaanka Marinka Hormuz iyo Saamaynta Suuqa Shidaalka Go’aanka ay dowladda Iiraan ku dhowaaqday ee ku aaddan in la xiray Marinka Hormuz ayaa dhaliyey hadal-hayn xooggan iyo baqdin weyn oo laga qabo inuu khalkhal xooggan galo suuqa tamarta ee caalamka. Marinkani waa halbowlaha ugu muhiimsan ee loo maro dhoofinta shidaalka iyo gaaska dunida, waxaana maalin walba mara qiyaastii boqolkiiba labaatan ee sahayda shidaalka caalamka laga isticmaalo. Tallaabadan ay qaadeen ciidamada Ilaalada Kacaanka Iiraan ayaa timid xilli ay cirka isku shareertay xiisadda kala dhaxaysa quwadaha reer Galbeedka, taas oo keentay in maraakiibta shidaalka qaada ay bilaabaan inay ka baaqsadaan maraan halkaas iyagoo ka cabsi qaba weeraro ama in la qafaasho. Saamaynta Dhaqaalaha iyo Qiimaha Shidaalka ee Dunida Khatarta ugu weyn ee ka dhalanaysa xiritaanka marinkan ayaa ah sare u kaca degdega ah ee ku imaanaya qiimaha shidaalka cayriin ee suuqyada caalamka, maadaama yaraanta sahaydu ay hors...
Post a Comment

Agaasimaha Guud Ee Caafimaadka Oo Soo Dhaweeyay Weftiga Ka Socda Hay’adda WHO.

Image
By

Agaasimaha Guud Ee Caafimaadka Oo Soo Dhaweeyay Weftiga Ka Socda Hay’adda WHO.
Wafdi ka socday Hay’adda WHO ee Bariga iyo Bartamaha ayaa waxaa soo dhaweeyay Agaasimaha Guud ee Wasaaradda Caafimaadka iyo Daryeelka Bulshada Xukuumadda Federaalka Soomaaliya iyo Agaasimayaasha Waaxyaha Hay’adda (EMRO). 

Waftigu waxay u yimaadeen inay ka wada hadlaan iskaashiga laba geesoodka ah ee abuuritaanka Nidaamka Macluumaadka Caafimaadka Qaranka, kaas oo ku saleysan xoojinta dadaallada lagu abuurayo siyaasadaha iyo nidaamyada macluumaadka caafimaadka iyo adeegsiga cilmi baarista.

Dr. Cabdinaasir Mukhtaar Ibraahim, agaasimaha guud ee wasaaradda caafimaadka, ayaa madasha ka soo jeediyay warbixin ku saabsan arrimaha caafimaadka iyo sidoo kale heerka adeegyada caafimaad ee ay qaranka u hayaan iyo qorshayaasha ay wasaaraddu ku horumarinayso nidaamka xogta caafimaadka qaranka. Abaaraha ka jira guud ahaan dalka ayaa saameyn weyn ku yeeshay bulshooyinka u nugul xaaladaha caafimaad darro ee ku nool deegaannada ay abaaruhu ka jiraan. 

Weftigu waxa kale oo ay talooyin ku saabsan sidii kor loogu qaadi lahaa nidaamka iyo maaraynta xogta caafimaadka guud ee qaranka ay ka heleen qaar ka mid ah farsamayaqaannada xogta caafimaadka oo la-tashi iyo xog-waraysi ku saabsan geeddi-socodka siyaasad-dejinta iyo tayada nidaamka macluumaadka caafimaadka.

Comments

Post a Comment

Maant iyo Soomaaliya

Afrika Oo Iskaashanaysa: Dagaalka Laga Galay Xididka Argagixisada Iyo Doorka Muhiimka Ah Ee Kenya

By
  Go'aanka Kenya ee lagu mamnuucay Ikhwaanul Muslimiinka iyo hoggaaminta geesinimada leh ee Madaxweynaha Muslimka ah ee Burkina Faso ee ka dhanka ah argagixisada Islaamka, waxay caddayn u yihiin in qaaradda Afrika ay si mideysan u hor istaagtay jihaadka caalamiga ah. Ikhwaanul Muslimiinka Iyo Mishiinka Aragtida Xagjirka Ah Tallaabada Kenya ee lagu mamnuucay Ikhwaanul Muslimiinka waxay si toos ah ula tacaalaysaa aragtida aasaasiga u ah kooxaha argagixisada ee gobolka. Ikhwaanul Muslimiinka ma ahan oo kaliya koox siyaasadeed, balse waa mishiinka aragtiyeed ee ka dambeeya Al-Shabaab, Boko Haram, iyo xagjirayaasha kale ee dhibaatooyinka ka wada qaaradda Afrika. Fikradda Ikhwaanka ayaa ah tan siinaysa kooxaha argagixisada awood ay ku: Xasillooni darrada ka wadaan dalalka. Ka faa’iidaystaan faqriga si ay u qoraan xubno cusub. Dhalinyarada ka dhigaan xagjir iyagoo ka faa’iidaysanaya shucuurta diiniga ah. In la mamnuuco Ikhwaanka waxay la macno tahay in la gooyo xididka aragtiyeed e...
Post a Comment
Read more

Privacy Policy