Fikradayda, Weerarro isku dhaf ah oo ay qaadeen ciidamada federaalka ee MinneapolisAbriil 28, 2026, waxay u taagan tahay baahi farsamo oo loogu talagalay maamul go'aansaday inuu kala diro waxa uu ku tilmaamay "khiyaanada iyo qashinka oo la buunbuuniyo." Waxaan aaminsanahay in iyadoo la fulinayo22 warqado baaritaan ahin ka badan 20 goobood oo inta badan lagu bartilmaameedsado xarumaha daryeelka carruurta iyo xarumaha waayeelka ee ay Soomaalidu leedahay, FBI-du waxay tilmaamaysaa in xilligii kormeerka dabacsan ee barnaamijyada shabakadda badbaadada bulshada uu dhammaaday. Waxaan qabaa in ku darista xarumaha taageerada autism-ka ololahan wuxuu soo jeedinayaa baaritaan nidaamsan oo lagu sameynayo lacago balaayiin ah oo lagu lunsaday gargaarka Medicaid iyo nafaqada ee ay canshuur-bixiyayaashu maalgeliyaan. Wakiillada FBI-da ayaa lagu arkayaa bannaanka Xarunta Daryeelka Carruurta ee Mako ee Minneapolis Talaadadii. Bartilmaameedka "Xarunta Waxbarashada ...
Mudane Maxamed Cabdullaahi Farmaajo, Madaxweynaha
Jamhuuriyadda Federaalka Soomaaliya, ayaa ku bogaadiyey guud ahaan shacabka
Soomaaliyeed guusha laga gaaray dadaallada waddaninimo ee lagu doonayay difaac
bada Soomaaliyeed. Khudbad uu jeediyay oo ku aadan xukunkii ugu dambeeyay
ee Maxkamadda Caddaaladda Adduunka (ICJ) ay ka gaartey murrankii badda.
I would like to thank Allah who has granted us this historic victory after the long struggle by the people and Government of the Federal Republic of Somalia against the unlawful attempts by the Kenyan government to claim parts of our maritime territory.
— Villa Somalia (@TheVillaSomalia) October 13, 2021
H.E @M_Farmaajo pic.twitter.com/yr4xJHGBCQ
Madaxweynuhu wuxuu caddeeyay in Dowladda
Federaalka Soomaaliya ay la kulantay caqabado badan oo diblomaasiyadeed si loo
gaaro guushan taariikhiga ah, isagoo tusaale u soo qaatay dadaallada ay
dowladda Kenya ku doonays inay ku carqaladeyso geeddi -socodka badda oo yana
kudoonaysay in qol mugdi ah loogu xalaaleeyo badda Soomaaliya.
"Waxaanu u dhaarannay inaan ilaalino
ammaanada aan u qaadnay shacabka Soomaaliyeed, damiirkeenna marnaba nama
siinayo in aan dhaxalka jiilasha soo socda ku beddelanno dano siyaasadeed iyo
kuwo dhaqaale. Waxaannu iska diidnay in aan qaadanno gunnimo dhereg leh,
annagoo ka doorannay gobanimo gaajo leh. Tallaabo kasta oo aanu qaadnay iyo
go’aan kasta oo aan gaarnay waxa halbeeg u ahaa ilaalinta qabka, qarannimada,
midnimada iyo sharafta dadka iyo dalka Soomaaliyeed."
Guushaan taariikhiga ah, sida uu sheegay
Madaxweynaha Jamhuuriyadda, waa natiijada dagaal dheer oo dadka iyo dowladda
Soomaaliyeed ay ku doonayeen inay ku dhisaan dacwadda sharciga ee ka dhanka ah
sheegashada Kenya qeyb ka mid ah Badda Soomaaliya.
"Waxaa guulaystay xaqa, waxaa guulaystay
sarreynta sharciga, guushan waxaa leh shacabka Soomaaliyeed oo mar walba garab
iyo gaashaan u ah Madaxdooda iyo dowladdooda. Waxaan u mahadcelinayaa
Maxkamadda Caddaaladda Adduunka oo u hiilisay sarreynta sharciga. Xukunkani waa
astaan qurux badan oo marqaati ka ah hufnaanta iyo daahfurnaanta garsoorka
Maxkamadda ICJ."
Ugu dambeyn, madaxweynuhu wuxuu mahadcelin u jeediyay geesiyaashii u soo halgamay guushan taariikhiga ah, oo uu ka mid ahaa Baarlamaankii 8aad, oo qaatay go’aankii dhaxal dhowraha ahaa, Madaxweynihii hore Xasan Sheekh Maxamuud, khubarada Soomaaliyeed sida Dr. Muna Sharmaan iyo AHUN Eng. Maxamed Cumar Saalixi, qareennada Foly Hoag iyo khubaradii xagga sharciga ahaa, iyo Guddiga DFS ee Kiiska Badda.
Posts
Comments
Post a Comment