Hay’adda NISA ayaa lagu eedeeyay inay caqabad ku tahay baaritaanka kiiska Ikraan Tahliil.

 

Tan iyo markii qoyskeeda ay Maxkamadda Ciidamada QalabkaSida u soo bandhigeen liiska dadka ay u arkaan inay ku lug lahaayeen waayitaankii Ikraan Tahliil Faarax 24-kii bishii July, wali wax horumar ah lagama gaarin baaritaanka. 27-kii Maajo, maxkamaddu waxay amartay guddi baaritaan ku sameeya kiiska.

 Ikraan Tahliil oo ka tirsanayd Hay’adda Nabad Suggida & Sirdoonka Qaranka (NISA) ayaa la waayay 26-kii bishii hore ee June, 2-dii September, NISA waxay sheegtay in dagaalyahano ka tirsan Al-Shabaab ay afduubteen oo dileen gabadha, balse Al-Shabaab ayaa soo saartay beenin aan caadi ahayn.

Somalia’s intel agency accused of impeding probe into missing officer Ikran Tahlil by blocking interviews w suspects. Investigators they can’t obtain CCTV footage of the day of disappearance. NISA denies impeding, say security camera doesn’t work properly https://t.co/JKX49IvkC3

— Harun Maruf (@HarunMaruf) November 3, 2021

Ikraan Tahliil hooyadeed, Qaali Maxamuud Guhaad, ayaa dhowr jeer sheegtay in nolosha gabadheeda ay ka bilaabanto kuna dhamaato NISA.

“Waxay Maxkamaddii iyo Xeer Ilaalintii, intaba ay noo sheegeen in kiiskan aysan sii wadi karin, illaa ay u madaxbannaanaadaan, waxay noo sheegeen inay dareemayaan humaag badan in uu jiro.” Ayay tiri Xildhibaan Amina Maxamed Cabdi.

Xildhibaan Amina Maxamed oo ah Xildhibaanadda Ikraan Tahliil ayaa Barnaamijka Galka Baarista u sheegtay “Inta aysan soo shaac bixin arrintan oo gabadha waa dhimatay aysan NISA baahinin ayaa waxaa dhacday baaritaankii intii ay ku guda jireen qoladii maxkamadda ahaa ay dhaheen anagga hay’ad dowladeedaa nahay, inaad na soo dhexgashaan nama baari kartaan, anagaa idiin soo baarayno ee dacwada la idin-keenay noo keena, anagaa baaritaanka sameynayno. Marka waxay diideen in la soo dhexgalo oo kiiskaas ay Xeer Ilaalinta baarto, waxay codsadeen inay ayagu baarayaan oo ayagu ay dadka tuhmanayaasha wareysanayaan.”

Xildhibaan Amina Maxamed ayaa sheegtay in ay wax layaab lihi ku noqotay dadkii la eedeynayay inay dalbadaan in kiiskaasi ay soo baaraan.

“Waxaa layaab ila noqotay dad ayaga la tuhmaayo oo la eedeynayo inay haddana ayaga is baarayaan, oo ay dhahayaan anagaa is baarayno oo dacwad ama jawaabo laga diyaarinayo la leeyahay hebel waan soo wareysanay, sidaanuu yiri.” Ayay tiri Marwo Amina Maxamed.

Waxyaabaha tuhunka ku sii kordhinaya Taliskii hore ee NISA iyo kan maanta xafiiska joogaba ayaa ah, sida aanay diyaarka ugu ahayn in xitaa Warbaahinta ay wax ka weydiisto maqnaanshaha gabadhaasi.

Cabdullaahi Maxamed Cali (Sanbaloolshe) oo horey u soo maamulay xafiiskan ayaa qaba in Ikraan Tahliil loo dilay wax uu ku sheegay dembi siyaasadeed, walow aanu wax caddayn ah arrintaasi u hayn.

“Gabadhaasi dembi siyaasadeed wax la xiriiro ayaa lagu dilay, dadka dilayna dembi siyaasadeed ayay galeen.” Ayuu Sanbaloolshe u sheegay Galka Baarista.

Kiiskan ayaa madax wareer ku riday Madaxda Dowlada Federaalka, marka aad eegto sida uu bishii September khilaaf uga dhex abuuray labada xafiis ee dalka ugu sarreeya, inkastoo 21-kii bishii hore October ee Madaxweynaha iyo Ra’iisal Wasaaruhuba ka heshiiyeen khilaafkoodaasi, ayna isu waafaqeen in baaritaanka kiiska gabadhaasi loo daayo Hay’adaha Garsoorka, tiiyoo aad mooddo in wax ka soo naaso cad aanu jirin