Skip to main content

Follow

Wararka Maanta

Xaqiijinta Xaaladda Caafimaad ee Maxamuud Axmadinejaad

By
Wararka maalmihii u dambeeyay aadka loo hadal hayay ee ku saabsan badqabka madaxweynihii hore ee dalka Iiraan Maxamuud Axmadinejaad ayaa hadda helay jawaab rasmi ah oo meesha ka saaraysa shakigii jiray. La taliyaha gaarka ah ee madaxweynaha ayaa soo saaray bayaan uu ku xaqiijinayo in Axmadinejaad uu nool yahay isla markaana uu ku sugan yahay xaalad caafimaad oo wanaagsan, isaga oo meesha ka saaray wararka sheegayay in uu geeriyooday ama uu la kulmay shilal waxyeello u geystay. Doodda Baraha Bulshada iyo Wararka Been Abuurka Ah Muddadii u dambeysay waxaa baraha bulshada ku baahay warar sheegaya in madaxweynihii hore uu ku dhintay weerar ama shil gaar ah, taas oo abuurtay walaac xooggan oo laga dareemay gudaha dalka Iiraan iyo dibaddaba. Wararkan oo si degdeg ah u fiday ayaa lagu tilmaamay inay yihiin kuwo lagu jahwareerinayo ra’yiga dadweynaha, gaar ahaan xilli gobolka Bariga Dhexe uu ku jiro xaalad kacsan oo dhanka ammaanka ah. La taliyaha ayaa caddeeyay in Axmadinejaad uu weli ku guda...
Post a Comment

Soomaaliya waxay ku baaqaysaa iskaashi heer gobol ah, si wax looga qabto isbeddelka cimilada

Image
By

Soomaaliya waxay ku baaqaysaa iskaashi heer gobol ah, si wax looga qabto isbeddelka cimilada
Shirkii cilmi baarista isbadelka cimilada ee Axadii ka dhacay dalka Jabuuti ayaa waxaa ka qeyb galay madaxweynaha Soomaaliya Xasan Sheekh Maxamuud, isagoo soo bandhigay istaraatiijiyada Soomaaliya ee joojinta nabaad guurka iyo xaalufinta deegaanka.

Si loo yareeyo saamaynta isbeddelka cimilada, Madaxweynaha waxa uu ku nuuxnuuxsaday baahida loo qabo dadaallada kooxeed iyo xalal siyaasadeed oo mug leh. Waxa uu soo hadal qaaday qiimaha ay leedahay iskaashiga dhow ee gobolka.

Madaxweynaha ayaa sheegey in isbeddelka Cimilada awgeed, Soomaaliya ay ka jirto abaar afar xilli oo isku xigta oo qallayl ah, arrinta xaalufka deegaanka oo ah halka ay ka taagan tahay arrimaha isbeddelka cimilada adduunka oo dhan, ayaa ah midda ay xoogga saari doonan, madaxweynaha ayaa dhawaan wuxu dhidibbada u taagnay Qarannimada Soomaaliya Cagaaran, kaas oo diiradda saaraya dayactirka dhirta, dib u soo celinta qaranka, iyo kordhinta wacyiga deegaanka ee dadweynaha guud ahaan.

Iyadoo ay jiraan abaaro ba'an, Soomaaliya waxay ku talo jirtaa in 10 milyan oo geed ku beerto dalka oo dhan si loo kordhiyo noolaha iyo joojinta xaalufka. Wufuud ka kala socotay heer caalami iyo heer gobol ayaa ka soo qayb galay shirkan, kaas oo la soo agaasimay si looga wada tashado sidii wax looga qaban lahaa dhibaatooyinka ka dhalan kara isbedelka cimilada ee gudaha.

Xarunta cilmi baarista deegaanka waxaa si rasmi ah u furay labada madaxweyne Xasan Sheekh Maxamuud iyo Ismaaciil Cumar Geelle ee Jabuuti.

Comments

Post a Comment

Maant iyo Soomaaliya

Privacy Policy