Madaxweynaha Soomaaliya iyo Madaxda Maamul Goboleedyada oo soo gaba gabeeyay Shir looga hadlayay Howlgallada Ciidamada iyo Xasiloonida Gobolada

Shirkii Golaha Wadatashiga Qaran ee labadii maalmood ee la soo dhaafay ka socday Magaalada Dhuusamareeb, kaasoo ay ka qeyb galeen Madaxweynaha Somaliya iyo afar ka mid ah Madaxda Dowlad Goboleedyada, ayaa maanta oo Axad ah la soo gaba gabeeyay.

Ajandayaasha ay madaxda dowladda federaalka iyo kuwa dowlad goboleedyada xubnaha ka ah ay diiradda ku saareen ayaa waxaa ka mid ahaa in taageero buuxda loo muujiyo ciidamada dowladda federaalka, sii wadida howlgallada ciidamada, xasilinta goobaha laga saaray maleeshiyaadka, dardar gelinta u diyaar garowga wejiga labaad ee duullaanka, iyo horumarinta wada jirka bulshada. ku nool degaannada laga xoreeyey malleeshiyada.

Goluhu wuxuu ku ammaanay ciidamada iyo maleeshiyaadka deegaanka guulaha muuqda ee ay ka gaareen dagaalka aan joogsiga lahayn ee Al-Shabaab ay ku qaadeen deegaanka Galguduud ee maamulka Galmudug. Madaxdu waxay bogaadiyeen doorka muhiimka ah ee ay Xildhibaanadu heerka hoose iyo kuwa hooseba ka qaateen hawlgalada ka dhanka ah Al Shabaab ee uu Madaxweynuhu wado.

Horumar la taaban karo ayaa ciidamada dowladda Soomaaliya ay sameeyeen markii ay la wareegeen deegaano muhiim ah oo ka tirsan gobolka Galgaduud. Inta badan, waxay sugeen ammaanka degmada Ceelbuur, oo qiyaastii 400 kiiloomitir (249 mayl) waqooyi ka xigta caasimadda Muqdisho, wax yar ka dib markii ay al-Shabaab si degdeg ah uga baxeen deegaanka.

Ceelbuur oo ka tirsan gobolka Galguduud ee bartamaha Soomaaliya, ayaa muddo ku dhow toban sano saldhig u ahayd Al-shabaab; qabashadiisuna waxay dib u dhac weyn ku tahay ururka.

Golaha ayaa sidoo kale walaac xoogan ka muujiyay colaada ka taagan magaalada Laascaanood. Waxa ay ka codsatay dawladaha Somaliland iyo SCC-Khaatumo in ay ka digtoonaadaan oo ay ka fogaadaan wax kasta oo keeni kara in colaadda sii dheeraato. Goluhu waxa uu xooga saaray in la difaaco xuquuqda maxaabiista, waxaana ay dalbadeen in gurmad deg deg ah loo fidiyo dadkii ka barakacay dagaalada Sool.

Dagaaladii u dambeeyay ee ka dhacay magaalada Laascaanood ee u dhaxeeyay beelaha deegaanka iyo ciidamada gooni u goosadka ah ee Somaliland ayaa sidoo kale waxaa si kulul u cambaareeyay saaxiibada Soomaaliya ee caalamka.

Beesha caalamka ayaa soo saartay bayaan ay ku mideysan yihiin oo ay ku tiri, "Waxaan aad uga walaacsanahay wararka sheegaya maxaabiis badan, waxaana rajeyneynaa kuwa ku lugta leh inay u hoggaansamaan xuquuqda aadanaha iyo sharciga caalamiga ah ee bani'aadamnimada, gaar ahaan ilaalinta rayidka iyo kaabayaasha rayidka."

Hadalkan ayaa lagu sheegay in laga falcelinayo shaqaaqooyin u dhexeeya ciidamada Somaliland ee hubaysan iyo maleeshiyo beeleedka loo yaqaan SSC-Khaatumo oo kusii xoogaysanaya magaalada Laascaanood. Waxaa isa soo taraya walaaca laga qabo in dagaalkan uu ku fido hareeraha magaalada.