Inkastoo dunidu ay aaminsaneyd in xabad-joojin jilicsan ay Yemen isku hayso, bishii Janaayo 2026 ayaa burburisay rajadaas. Magaalada dekeda ah ee Mukalla ee Koonfurta, oo mar ahaan jirtay meel ka nabdoon jiidaha dagaalka ee waqooyiga, ayaa hadda gubanaysa. Duulaanka Sacuudiga ee Koonfurta Yemen ayaa si dhab ah u furay bog cusub oo dagaalka ah, isagoo badalay xulafadii hore oo beegsanaya saaxiibadiisii hore. Tani ma ahan oo kaliya dagaal ka dhan ah Xuutiyiinta; waa duulaan toos ah oo militari oo lagu qaaday Koonfurta, waxaana qiimaha bixinaya dadka rayidka ah. Iyadoo beesha caalamku ay indhaha ka laabanayso, cunaqabataynta bini'aadamnimo ayaa sii xumeynaysa xaaladda dadka ugu nugul. Go'doominta Gaajada: Hubka Dagaalka Laga soo bilaabo horraantii 2026, xogta la helay waa mid aan la inkiri karin: in ka badan 17 milyan oo qof oo ku nool Yemen ayaa wajahaya cunto yari ba'an . Tani ma ahan masiibo dabiici ah; waa masiibo uu bani'aadamku sameeyay oo ay wadaan xannibaa...
Magaalada Dhuusa-mareeb, ayaa Madaxweyne Maxamuud waxa uu Odayaasha iyo Xildhibaanada kala hadlay hawlgalada ka dhanka ah Al Shabaab.
Wadahadalka intii uu socday kulanka ayaa ahaa mid ku qotoma sidii odayaasha dhaqanka ay uga qeyb qaadan lahaayeen dagaalka ka dhanka ah Al-Shabaab ee lagu doonayo in lagu xoreeyo deegaanada Maamulka Galmudug ee wali gacanta ugu jira Al-Shabaab. Madaxweyne Maxamuud ayaa ka codsaday in ay fashiliyaan hadafka ururka, isla markaana ay ka fogaadaan khilaaf ka dhex abuura bulshada deegaanka.
Madaxweynaha ayaa muddo toddobaad ka badan ku sugan Dhuusamareeb si uu u dardargeliyo wejiga labaad ee howlgallada ka dhanka ah Al-Shabaab ee ka socda deegaannada Galmudug iyo Hirshabeelle.
Afartii maalmood ee la soo dhaafay, Ciidanka Xoogga Dalka oo kaashanaya saaxiibada caalamiga ah ayaa ku dilay ku dhawaad 40 dagaalameyaal ka tirsan Al-Shabaab dagaallo kala duwan oo ka dhacay gobollada Baay iyo Shabeellaha Hoose.
Wasaaradda gaashaandhigga ayaa sheegtay in la cirib tiray 23 ka mid ah argagixisada oo ay ku jiraan labo taliye. Bar-koontarool, garaash lagu ururiyo walxaha qarxa, iyo xafiis maamul oo ay isticmaalaan horjoogayaasha deegaanka Buula-fuuley ee gobolka Baay, ayaa ujeedka howlgalkan oo dhacay Sabtidii lasoo dhaafay.
Howlgallo ka dhan ah ciidamada oo dhacay Axaddii lasoo dhaafay ayaa dagaal ka dhacay tuulooyinka Baladul-Amiin iyo Baladul-Kariim ee gobolka Shabeellaha Hoose waxaa lagu dilay 18 ka tirsan Al-Shabaab.
Posts
Comments
Post a Comment